وسىنداي اتاۋمەن قونايەۆ قالاسىندا ەكولوگيالىق اكسيا ءوتتى.
ماقساتى – وڭىردە تاۋارلى بالىق سانىن مولايتىپ، وزەن-كولدەردى بالىقتاندىرۋ. بيىل الماتى جانە جەتىسۋ وبلىستارىنىڭ شارۋالارى 2 مىڭ 300 توننا سۋ مارجانىن وسىرگەن، دەپ حابارلايدى Almaty-akshamy.kz.
«حابار 24» ارناسىنىڭ مالىەتىنشە، جىل سوڭىنا دەيىن تاۋارلى بالىق كولەمى 5 مىڭ تونناعا جەتەدى دەپ بولجانىپ وتىر. اكسيا اياسىندا قاپشاعاي سۋ قويماسىنا 50 مىڭ شاباق جىبەرىلدى. سونىمەن بىرگە تاۋار وندىرۋشىلەردىڭ كورمەسى ءوتىپ، بالىق شارۋاشىلىعىن دامىتۋعا ۇلەس قوسىپ جۇرگەندەر ماراپاتتالدى.
«بالىقتاردى ۇستاۋ، جانە بالىق شاباقتاتىن ساتىپ الۋعا 50% سۋبسيديالار قاراستىرىلعان. اعىمداعى جىلى الماتى وبلىسى اكىمدىگىمەن 150ملن تەڭگە كولەمىندە سۋبسيديا ءبولىنىپ، قازىرگى تاڭدا 95% يگەرىلگەن»، - دەيدى بالقاش-الاكول وبلىسارالىق باسسەيندىك بالىق شارۋاشىلىعى ينسپەكسياسى باسشىسىنىڭ ورىنباسارى رينات قۇماشيەۆ.