استاناداعى ازيا چەمپيوناتىندا جەڭىسكە جەتكەن بالۋاندارعا قانشا سىياقى بەرىلەدى؟ بۇل ساۋالعا مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتى ءتوراعاسىنىڭ ورىنباسارى ايگۇل بەكتەنوۆا جاۋاپ بەردى، دەپ حابارلايدى اlmaty-akshamy.kz قازاقپارات-قا سىلتەمە جاساپ،
«بۇل جارىستا ءۇش كۇرەس تۇرىنەن ەلىمىزدىڭ نامىسىن 30 سپورتشى قورعايدى. ولاردىڭ ورتا جاسى گرەك-ريم كۇرەسىنەن – 29 جاس، ايەلدەر كۇرەسىنەن – 25 جاس جانە ەركىن كۇرەستەن – 24 جاس بولىپ كەلەدى»، - دەدى كوميتەت وكىلى ورتالىق كوممۋنيكاسيالار قىزمەتىندە وتكەن بريفينگىدە.
سونداي-اق، ول چەميپونات جۇلدەگەرلەرىنە بەرىلەتىن اقشالاي سىيلىقتىڭ كولەمىن اتادى.
«ازيا چەمپيوناتىنان ءبىرىنشى ورىن العان سپورتشىلارعا 2 300 دوللار، ەكىنشى ورىن العاندارعا 1 400 دوللار جانە ءۇشىنشى ورىن العان سپورتشىعا 900 دوللار سىياقى قاراستىرىلعان. وسىنداي سىياقى جاتتىقتىرۋشىلارعا دا بەرىلمەك. سونىمەن قاتار، «حالىقارالىق دارەجەدەگى سپورت شەبەرى» دەگەن اتاق قاراستىرىلعان.