«بالالاردىڭ جولداعى قاۋىپسىزدىگى»
بالالاردىڭ جول-كولىك وقيعالارىنان بولاتىن جاراقاتىنىڭ الدىن الۋ بويىنشا پروفيلاكتيكالىق جۇمىستاردى جانداندىرۋ، بالالاردىڭ قاتىسۋىمەن بولاتىن جول-كولىك وقيعالارى ماسەلەسىنە قوعامنىڭ نازارىن اۋدارۋ ماقساتىندا الماتى قالاسىندا جەدەل الدىن الۋ ءىس-شاراسى جۇرگىزىلىپ جاتىر، جەپ حابارلايدى Almaty-akshamy.kz Polisia.kz-كە سىلتەمە جاساپ.
«بالالاردىڭ جولداعى قاۋىپسىزدىگى»رەسپۋبليكالىق ناۋقانى اياسىندا جەرگىلىكتى اتقارۋشى ورگاندارمەن بىرلەسىپ، قالاداعى جالپى ءبىلىم بەرەتىن مەكتەپتەردىڭ وقۋشىلارى اراسىندا ءىس-شارا ءوتتى. باستى ماقسات – بالالاردىڭ كوشەدە جانە جولدا ءجۇرىس-تۇرىسىنىڭ قاۋىپسىزدىگىن ناسيحاتتاۋ. جارىسقا جەتى وقۋ ورنىنىڭ كوماندالارى قاتىستى. بالالار جول قوزعالىسى ەرەجەلەرىن ءبىلۋ سالاسىندا، ۆەلوسيپەدتەردى، ساموكاتتاردى ءقاۋىپسىز جۇرگىزۋ بويىنشا بىلىمدەرىن كورسەتتى»، – دەدى الماتى قالالىق پد اكىمشىلىك پوليسيا باسقارماسى باستىعىنىڭ ورىنباسارى بولاتبەك باياتانوۆ.
ۇيىمداستىرۋشىلار وقۋشىلاردىڭ جاقسى دايىندىق كورسەتكەنى مەن جولدا ءجۇرۋ ەرەجەلەرىن تاماشا مەڭگەرگەنىن اتاپ ءوتتى. №197 ورتا مەكتەپ كومانداسى ءبىرىنشى ورىندى يەلەندى. ەكىنشى ورىندى №5 وقۋشىلار ءۇيى مەن №19 جوببم كوماندالارى يەلەندى. ءۇشىنشى ورىندى №77 جانە №98 ورتا مەكتەپتەردىڭ وقۋشىلارى ءوزارا ءبولىستى.