قازىلار القاسى 14 اتالىم بويىنشا 20 ۇزدىكتى انىقتادى
استانا قالاسىنداعى «قازمەديا» ورتالىعىندا سپورت سالاسىنداعى جىلدىڭ تاڭداۋلى جۇلدەسى – «جەڭىمپاز رۋحى» ۇلتتىق سىيلىعىنىڭ جەڭىمپازدارى انىقتالدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«سپورتتى دامىتۋ ديرەكسياسى» رمقك-نىڭ باسپا ءسوز قىزمەتىنەن ءمالىم ەتكەنىندەي، سالتاناتتى كەش بارىسىندا ق ر مادەنيەت جانە سپورت مينيسترلىگى ۇزدىك سپورتشىلار، باپكەرلەر، سالا مەن ءتۇرلى مەكەمەلەردەگى تاڭداۋلى مامانداردى، سپورتشىلاردى ماراپاتتادى.
قازىلار القاسى 14 اتالىم بويىنشا 20 ۇزدىكتى انىقتادى.
جازعى سپورت تۇرلەرى بويىنشا بالۋان، ايەلدەر كۇرەسىنەن 2021 جانە 2022 جىلعى الەم چەمپيوناتىنىڭ كۇمىس جۇلدەگەرى ءجاميلا باقبەرگەنوۆا «جىلدىڭ ۇزدىك سپورتشىسى» اتاندى. قىسقى سپورتتان 2022 جىلعى بەيجىڭ پاراليمپيادا ويىندارىنىڭ قولا جۇلدەگەرى، بياتلونشى الەكساندر گەرليستىڭ اتى وزدى.
سونداي-اق مىنا اتالىمدار بويىنشا ۇزدىكتەر ماراپاتتالدى:
«جىلدىڭ ۇزدىك جاتتىقتىرۋشىسى» – نۇرسۇلتان تەمىروۆ (جازعى) پەن انتون جدانوۆيچ (قىسقى)؛
«جىلدىڭ ۇزدىك اككرەديتتەلگەن سپورت فەدەراسياسى» – ۇلتتىق كونكي تەبۋشىلەر فەدەراسياسى؛
«جىلدىڭ ۇزدىك سپورت مەكەمەسى» – اتىراۋ وبلىسى «مۇگەدەكتەردىڭ سپورت ۇيىمى»؛
«جىلدىڭ ۇزدىك سپورت ءوڭىرى» – قاراعاندى وبلىسىنىڭ دەنە شىنىقتىرۋ جانە سپورت باسقارماسى؛
«اۋىلداعى ۇزدىك جاتتىقتىرۋشى» – داستان بالابەكوۆ (جەتىسۋ وبلىسى)؛
«دەنە شىنىقتىرۋ جانە سپورت ءبولىمىنىڭ ۇزدىك مامانى» – يرينا نوۆيكوۆا مەن ەلەنا گاليس (استانا)؛
«جىلدىڭ ۇزدىك بالالار جاتتىقتىرۋشىسى» – سامات ساپيشيەۆ (شىمكەنت)؛
«ويىن تۇرلەرى بويىنشا ۇزدىك سپورت كومانداسى» – «قۋانىش» ۆولەيبول كلۋبى (سقو)؛
«اۋىلداعى ۇزدىك دەنە شىنىقتىرۋ جانە سپورت ءبولىمىنىڭ ادىسكەرى» –بەكجان ادامبەكوۆ (تۇركىستان وبلىسى)؛
«جىل جاڭالىعى – ۇزدىك سپورتشى» – ەلەنا رىباكينا؛
«جىلدىڭ ۇزدىك مەسەناتى» – قايىربەك حامزين (سقو)؛
«جاستار مەن جاسوسپىرىمدەر اراسىنداعى ۇزدىك سپورتشى» – الان قۇرمانعالييەۆ (ۇستەل تەننيسى)، ەۆگەنيي فەدوروۆ (ۆەلوسپورت)، ماريا بروۆكوۆا (كانوەدا ەسكەك ەسۋ)؛
«سەيداحمەت بەردىقۇلوۆ اتىنداعى ۇزدىك سپورت ءجۋرناليسى» اتالىمى – اسلان قاجەنوۆ (ۇزدىك تەليەۆيزيالىق رەپورتاج)، عالىم سۇلەيمەن (ۇزدىك فوتورەپورتاج)، بەك تولەۋوۆ (ۇزدىك جاريالانىم).
ەسكە سالا كەتەيىك، بۇدان بۇرىن ەلەنا رىباكينانىڭ «التىن ادام» سىيلىعىنىڭ لاۋرەاتى اتانعانىن جازعان بولاتىنبىز.
سونداي-اق قازاقستاندىق ەۋروپاداعى ۇزدىك جاس تەننيسشى اتاندى.
ەلەنا رىباكينا دۋبايدا ەكىنشى جەڭىسىنە قول جەتكىزدى.