ەلەكترمەن جابدىقتاۋ سالاسىن مودەرنيزاسيالاۋ ءۇشىن 200 مىڭ تۇتىنۋشىنى قامتيتىن ەلەكتر قوسالقى ستانسياسىنىڭ قۇرىلىسى جۇرگىزىلۋدە.
2024 جىلدىڭ قىركۇيەگىندە قۋاتى 80 مۆت بولاتىن «تۇزدى باستاۋ» قس-نىڭ قۇرىلىسىن اياقتاۋ جوسپارلانۋدا. ايتا كەتەرلىگى، سەنىمدى جانە ۇزدىكسىز ەلەكترمەن جابدىقتاۋدى قامتاماسىز ەتۋ ءۇشىن الماتى قالاسىنىڭ اكىمى ەربولات دوسايەۆتىڭ تاپسىرماسى بويىنشا 2040 جىلعا دەيىنگى پەرسپەكتيۆامەن الماتى قالاسىنىڭ ەلەكتر جەلىلەرىن دامىتۋدىڭ 2030 جىلعا دەيىنگى سىزباسىنىڭ جوباسى ازىرلەندى.
وعان كابەلدىك جەلىلەردى، ترانسفورماتورلىق قوسالقى ستانسيالاردى، جابىق تاراتۋ قۇرىلعىلارىن سالۋ جانە رەكونسترۋكسيالاۋ كىرەدى. الماتى مەن قالاعا قوسىلعان اۋماقتاردى ەلەكترمەن جابدىقتاۋ سىزباسىن ازىرلەۋ قوسىمشا ەلەكتر قۋاتىن قوسۋ بويىنشا تاپشىلىقتى جويۋعا، باس جوسپارعا سايكەس قالانىڭ دامۋىن قامتاماسىز ەتۋگە مۇمكىندىك بەرەدى.
جوبانى ىسكە اسىرعاننان كەيىن توزعان جەلىلەردىڭ ازايۋىنا بايلانىستى تۇتىنۋشىلاردى ەلەكترمەن جابدىقتاۋ سەنىمدىلىگىن ارتتىرۋ جوسپارلانۋدا. ەسكە سالساق، الماتى قالاسى بويىنشا ەلەكتر جەلىلەرىنىڭ ۇزىندىعى – 8،6 مىڭ كم، ال ەلەكتر جەلىلەرىنىڭ توزۋى 65% -دى قۇرايدى.