ءبىر جىلدا بالقاش كولىندە سۋ دەڭگەيى بالتىق جۇيەسى بويىنشا 341،52 مەتردەن 341،64 مەترگە دەيىن، ياعني 12 سانتيمەترگە كوتەرىلدى.
ال سۋ كولەمى 2 ملرد تەكشە مەترگە ۇلعايدى، دەپ حابارلايدى aqshamnews.kz.
سۋ رەسۋرستارى جانە يرريگاسيا مينيسترلىگىنىڭ مالىمەتىنشە، 2025 جىلدىڭ باسىنان بەرى قاپشاعاي سۋ قويماسىنان بالقاشقا 3،8 ملرد تەكشە مەتر سۋ جىبەرىلدى. بىلتىر وسى كەزەڭدە بۇل كورسەتكىش 2،9 ملرد تەكشە مەتر بولاتىن.
بۇل ءوڭىردىڭ ەكولوگيالىق احۋالىنا جانە ىلە وزەنىنىڭ ساعاسىنا وڭ اسەرىن تيگىزىپ وتىر. قاپشاعاي سۋ قويماسىن تولتىرۋ اقدالا جانە شەڭگەلدى سۋارمالى القاپتارىندا سۋارۋ ماۋسىمىن جوعارى دەڭگەيدە وتكىزۋگە مۇمكىندىك بەرەدى.
بالقاش كولىندەگى سۋ كولەمى ترانسشەكارالىق ىلە وزەنىنە بايلانىستى. وزەن اعىسى قاپشاعاي سۋ قويماسى ارقىلى رەتتەلەدى. بيىل سۋ قويماسىنان بالقاشقا 12 ملرد تەكشە مەتر سۋ جىبەرۋ جوسپارلانىپ وتىر.
«مينيسترلىك بالقاش كولىنە قاجەتتى سۋ كولەمىن قامتاماسىز ەتۋ بويىنشا كەشەندى جۇمىس جۇرگىزىپ جاتىر. كەلەسى اپتادا فرانسيادان كەلگەن ساراپشىلارمەن بىرگە بالقاشتى ساقتاۋ بويىنشا 2040 جىلعا دەيىنگى ماستەر-جوسپاردى ازىرلەۋ ماسەلەسىن تالقىلايمىز. بىلتىر ءبىز كول الابىن بىرلەسىپ زەرتتەۋ تۋرالى كەلىسىمگە قول جەتكىزگەنىمىزدى ەسكە سالعىم كەلەدى»،– دەدى سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ.