اۋە كەمەسى بورتىندا ءبىر ەكيپاج مۇشەسى مەن ءبىر جولاۋشى بولعان
الماتى وبلىسىندا بالقاش ماڭىندا جەڭىل موتورلى چارتەرلىك ۇشاق قۇلادى، دەپ حابارلايدى Almaty-akshamy.kz Sputnik قازاقستانعا سىلتەمە جاساپ.
يندۋستريا جانە ينفراقۇرىلىمدىق دامۋ مينيسترلىگىنىڭ اقپاراتىنا سايكەس، ۇشاق اسپانعا كوتەرىلۋ كەزىندە اۋدارىلىپ كەتكەن.
«17 قازاندا Cessna 182 اۋە كەمەسىمەن چارتەرلىك رەيس ورىندالعان. ساعات 11:15-تە قاراعاندى بريفينگىنە كوماندير حابارلاماسى جەتتى. ۇشاق اۋدارىلىپ كەتكەن»، – دەلىنگەن مينيسترلىك حابارلاماسىندا.
اۋە كەمەسى بورتىندا ءبىر ەكيپاج مۇشەسى مەن ءبىر جولاۋشى بولعان.
اپات سالدارىنان ەشكىم زارداپ شەككەن جوق، مەديسينالىق كومەككە جۇگىنبەگەن.
ۇشاق تولىقتاي قيراعانى حابارلانىپ وتىر.