ق ر ۇقك شەكارا قىزمەتىنىڭ قىزمەتكەرلەرى ەلىمىزگە ەسىرتكى زاتتارىنىڭ ءىرى پارتياسىن كىرگىزۋ ارەكەتىنىڭ جولىن كەستى، دەپ حابارلايدى اlmaty-akshamy.kz ق ر ۇقك باسپا ءسوز قىزمەتىنە سىلتەمە جاساپ.
2023 جىلعى 6 ناۋرىزدا تۇركىستان وبلىسى سارىاعاش اۋدانى اۋماعىنىڭ «جىبەك جولى» باقىلاۋ-وتكىزۋ پۋنكتىندە شەكارا ناريادى شەتەلدىك مىنگەن اۆتوكولىكتى توقتاتقان.
«كولىكتى تەكسەرۋ بارىسىندا گاز قۇياتىن بولىگىندە جاسىرىلعان 14 كەلىگە جۋىق ەسىرتكى جانە پسيحوتروپتىق زاتتار تابىلدى. ونىڭ ىشىندە 5 كەلى 290 گرامم گەروين، 792 گرامم اپيىن جانە 5 كەلى 335 گرامم گاشيش، سونىمەن قاتار 1 كەلى 962 گرامم سينتەتيكالىق ەسىرتكى»، - دەلىنگەن حابارلامادا.
فاكت بويىنشا، ماتەريال ق ر قك-نىڭ 297-بابى 3-تارماعى بويىنشا سوتالدى تەرگەۋدىڭ ءبىرىڭعاي تىزىلىمىنە تىركەلدى. وزگە اقپارات تەرگەۋ مۇددەسىندە ق ر قك-نىڭ 201-بابىنا سايكەس جاريالانبايدى.
