الماتىداعى ق ر مەملەكەتتىك ورتالىق مۋزەيىندە «قازاق حالىق فولكلورى: قازاق ەرتەگىلەر الەمىندە» جوباسى اياسىندا قالامىزداعى «كوكىل» كوللەدج-مەكتەبىنىڭ 1-سىنىپ وقۋشىلارىنا «مۋزەيلىك ساباق» ءوتتى.
– بالانىڭ سوزدىك قورىن ارتتىرىپ، قيالىن ۇشتاپ، دارىنىن دامىتۋدا قازاق ەرتەگىلەرىنىڭ پايداسى زور. سوندىقتان ءدارىس باستالماس بۇرىن وقۋشىلارعا ەرتەگىنىڭ تاربيەلىك ءمانى تۋرالى ايتىلدى. ارى قاراي ساباق «اي مەن جۇلدىز» ەرتەگىسىمەن جالعاستى. وقۋشىلار ەرتەگىنى ەرەكشە ىقىلاسپەن تىڭدادى. ءدارىس سوڭىندا كەيىپكەرلەرگە مىنەزدەمە بەرىپ، ءار وقۋشى ەرتەگى تىڭداۋ بارىسىندا قانداي وي تۇيگەنىن ورتاعا سالدى، – دەيدى نۇرجانات التىنبەكوۆا.
