«Balapan» تەلەارناسى نۇر-سۇلتان قالاسى اكىمدىگىمەن بىرلەسىپ، بالالار جىلى اياسىندا رەسپۋبليكالىق «BALAPAN الەمى» اتتى Open Air فەستيۆال وتكىزەدى.
مەرەكەلىك شارا1 ماۋسىم - حالىقارالىق بالالاردى قورعاۋ كۇنىندە ساعات 11:00-دەن باستاپ نۇر-سۇلتان قالاسى ەسىل جاعاسىنداعى امفيتەاتردا وتەدى. كونسەرتتىك باعدارلامادا ەل ايماقتارىنان كەلگەن 800-گە جۋىق تالانتتى بالا جانە ەسترادا جۇلدىزدارى ونەر كورسەتەدى، دەپ حابارلايدى Almaty-akshamy.kz Qazaqstan.tv سايتىنا سىلتەمە جاساپ.
فەستيۆال اياسىندا امفيتەاتر اۋماعىندا ۇلتتىق سپورت جانە ويىن-ساۋىق الاڭدارى ۇيىمداستىرىلىپ، اسفالتقا سۋرەت سالۋ بايقاۋى وتەدى. «Balapan» الەمى» كىتاپ كورمەسى مەن استانالىق مەكتەپىشىلىك قولونەر ۇيىرمەلەرى مەن شەبەر بالالار دايىنداعان قولونەر بۇيىمدارىنىڭ جارمەڭكەسى ۇيىمداستىرىلادى. سونىمەن قاتار شارا اياسىندا بالالار كوڭىلدى انيماتورلار مەن سيرك ارتىستەرىنىڭ ونەرىن تاماشالاي الادى.
فەستيۆالدە اقتاۋ، جەزقازعان، قىزىلوردا جانە سەمەي قالالارىنداعى بالالارعا ارنالعان ءىس-شارالاردان تىكەلەي قوسىلىم جاسالادى.
مەرەكەلىك كونسەرتتى ەلوردا تۇرعىندارى مەن قوناقتارى تەگىن تاماشالاي الادى. تەلەارنا كورەرمەندەرى ءۇشىن «BALAPAN الەمى» فەستيۆالى «Balapan» تەلەارناسىنان 12:00-دەن باستاپ تىكەلەي ەفيردە كورسەتىلەدى.