اعىلشىن ءتىلىن ءوزىڭىز بىلمەسەڭىز، بالاڭىزعا قالاي كومەكتەسۋگە بولادى؟
ماماندار بالالارعا عانا ەمەس، ولاردىڭ اتا-انالارىنا دا شەت تىلدەرىن ءوز بەتىنشە تەز جانە ءتيىمدى مەڭگەرۋگە كومەكتەسەتىن بەس قۇرال تۋرالى ايتتى.
اعىلشىن ءتىلى بۇرىنعىداي بەلگىلى ءبىر ماقساتتاعى ادامدارعا عانا ەمەس، كوپشىلىككە قاجەت بولىپ كەلە جاتىر. ءتىل ءبىلۋدىڭ ەل مەن ەلدىڭ اراسىن «جاقىنداتىپ»، ساياحاتتاۋ، ەل كورۋ دەگەن ماسەلەڭىزدى دە وڭىنان شەشىپ بەرەتىنىن جوققا شىعارا المايسىز.
دەگەنمەن، شەت ءتىلىن ۇيرەنۋگە ارنالعان رەسۋرستار مەن ادىستەردىڭ كوپتىگى سونشا، دۇرىسىن تاڭداۋ قيىنعا سوعادى. Simply English مەكتەبىنىڭ نەگىزىندە قۇرىلعان SportZania بالالار ءتىل لاگەرىنىڭ باس ديرەكتورى يگور پۋگاچيەۆ اعىلشىن ءتىلى ساباعىن قىزىقتى ەتىپ، ءبىلىمدى جەتىلدىرۋگە كومەكتەسەتىن بەس قۇرال تۋرالى ايتىپ بەردى.
- ونلاين سوزدىكتەر
كوپتەگەن ونلاين سوزدىكتەردە ءسوزدى ايتۋ فۋنكسياسى بار. ەگەر بالا ءوزىنىڭ دۇرىس ايتىپ تۇرعانىنا كۇماندانسا، سويلەۋشىدەن تۇسىنىكسىز ءسوزدى نەمەسە سويلەمدى ەستىپ، تىڭداپ الىپ، ودان كەيىن قايتالاۋ كەرەك. كەيبىر سوزدىكتەر سينونيمدەردى ۇسىنادى جانە سۇرالعان ءسوزدىڭ بارلىق تۋىندىلارىن كورسەتەدى. مىسالى، سىن ەسىمنەن زات ەسىم جاسالۋى مۇمكىن بولسا، بالا ونى كورىپ، ەسىندە ساقتايدى.
بالاڭىزدى وقىتۋ كەزىندە پايدالانۋعا بولاتىن سوزدىكتەر ءتىزىمى:
كەمبريدج سوزدىگى – سوزدىك قانا ەمەس، ەرەجەلەر مەن ارنايى تەرمينولوگيانى زەرتتەۋدە كومەكشى قىزمەتىن اتقارا الادى. پلاتفورمادا گرامماتيكا، ەملە جانە سوزدىك ۆيكتورينالارى بار.
وكسفورد ستۋدەنتتەرىنىڭ سوزدىكتەرى - وكسفورد ستۋدەنتتەرىنە ارنالعان. سوزدىككە قوسا، پلاتفورمادا ءار دەڭگەي ءۇشىن نەگىزگى جانە ءجيى قولدانىلاتىن سوزدەردىڭ تىزىمدەرى بار. بىرتىندەپ كۇردەلەندىرە وتىرىپ، سوزدىك قورىڭىزدى تولىقتىرىپ، جاڭا ءسوز تىركەستەرى مەن سوزدەردى ۇيرەنۋگە بولادى.
Macmillan Dictionary - ماعىنالارى، ايتىلۋ ەرەجەلەرى، سينونيمدەر، ءسوز تىركەستەرى جانە يديومالارى بار ۇلكەن دەرەكتەر قورى. پلاتفورمادا جەتەكشى بريتاندىق فيلولوگتار مەن ءتىل ماماندارىنىڭ بەينەساباقتارىن كورۋگە بولادى. بالالاردىڭ سوزدەردى جاقسى ەستە ساقتاۋى ءۇشىن پلاتفورمانى جاساۋشىلار ارنايى ويىندار مەن ۆيكتورينالاردى، سونداي-اق قوسىمشا پايدالى رەسۋرستار ءتىزىمىن ازىرلەگەن.
- ارنايى باعدارلامالار مەن قوسىمشالار
ءتىلدى ۇيرەنۋدەگى قيىندىقتاردى گرامماتيكامەن دە بايلانىستىرۋعا بولادى، ويتكەنى ونىڭ باسقا تىلدەن كادىمگىدەي ايىرماشىلىعى بار. مىسالى، ەگەر مەكتەپ ساباقتارىندا تالقىلانعان تاقىرىپ تولىق تۇسىنىكتى بولماسا، Study Languages Online پلاتفورماسىنا جۇگىنۋگە بولادى. ول جەردە ەرەجەلەردىڭ تولىق تۇسىندىرمەسىن ورىس تىلىندە بەرىلگەن.
بالاڭىزدى قىزىقتىرۋ ءۇشىن وعان ءمۇعالىمنىڭ ءرولىن بەرىڭىز. بۇل وعان ماتەريالدى تەرەڭىرەك ۇيرەنۋگە كومەكتەسەدى - باسقالارعا ءتۇسىندىرۋ ارقىلى ءوزى تاقىرىپتى جاقسى تۇسىنەدى.
3. كارتوچكالار
بۇل ءبىر جاعىندا اعىلشىن ءسوزى، ال ەكىنشى جاعىندا ونىڭ ورىسشا اۋدارماسى نەمەسە سۋرەتى جازىلعان كارتالار. مۇنداي ينتەراكتيۆتى ويىندى ۇيدە بالاڭىزبەن بىرگە جاساۋعا بولادى نەمەسە ىزدەۋ جولاعىنا «فلەشكارتالار + قىزىقتى سوزدىك تاقىرىبى» ەنگىزۋ ارقىلى ينتەرنەتتەن كارتالاردى باسىپ شىعارۋعا بولادى. اعىلشىن تىلىندەگى جاڭا سوزدەردى ۇيرەنۋدىڭ بۇل ءادىسى ءتىپتى كىشكەنتايلار ءۇشىن دە قولايلى بولادى.
كارتالارى بار ويىندار ءار ءتۇرلى بولۋى مۇمكىن، ولاردىڭ سانى تەك اتا-انالاردىڭ قيالىنا بايلانىستى. مىسالى، بىلاي ىستەۋە بولادى:
سۋرەتتەرى بار كارتالاردى (ورىس تىلىندە) بەلگىلى ءبىر رەتپەن ورنالاستىرىڭىز جانە بالادان بۇرىلۋىن نەمەسە كوزىن جۇمۋدى سۇراڭىز. وسىدان كەيىن كارتالاردى ورىندارىنا اۋىستىرىپ، اعىلشىن تىلىندەگى سوزدەردى پاراللەلدى تۇردە قايتالاي وتىرىپ، ولاردى باستاپقى رەتىمەن ورنالاستىرۋعا شاقىرىڭىز.
جيىنتىقتان ءبىر ءسوزدى تاڭداپ الىپ، ونى ايتىڭىز. ايتىلىمدا قيىندىقتار تۋىنداسا، كوڭىلىڭىزدى قالدىرماڭىز - ءسىز ءارقاشان اۋديو جازبالاردى ايتۋ فۋنكسياسى بار ونلاين سوزدىكتەردى پايدالانا الاسىز.
كارتوچكالاردى سۋرەتى (ورىس تىلىندە) جوعارى قاراي باعانعا ورنالاستىرىڭىز. بالانىڭ مىندەتى – بەرىلگەن سوزگە سايكەس سۋرەتتى تابۋ. ۋاقىت وتە كەلە جىلدامدىقتى ارتتىرۋعا بولادى.
فلەشكارتالاردىڭ ماكسيمالدى اسەر ەتۋى ءۇشىن ءبىر تاقىرىپتاعى سوزدەردى پايدالانۋ ماڭىزدى. مىسالى، جانۋارلار، جيھاز، تاماق. بولاشاقتا بالا مۇنداي ماسەلەنى وڭاي شەشكەندە، ءار ءتۇرلى تاقىرىپتارداعى كارتالاردى ارالاستىرۋعا بولادى.
- اعىلشىن تىلىندە سويلەيتىن ورتادا بولۋ
اعىلشىن ءتىلىن ۇيرەنۋدىڭ جانە تىلدىك كەدەرگىنى جەڭۋدىڭ ەڭ سەنىمدى جولى - سول تىلدە سويلەيتىن اداممەن جۇيەلى تۇردە سويلەسۋ. وسىلايشا، بالا دۇرىس ايتىلىمدى عانا ەمەس، سونىمەن قاتار گرامماتيكانىڭ نەگىزگى ەرەجەلەرىن دە ۇيرەنەدى. اعىلشىن تىلىندە سويلەيتىن ەلدەردەن ونلاين-دوس تاۋىپ الىپ حات جازىپ نەمەسە Skype ارقىلى قوڭىراۋ شالىپ سويلەسە الاسىز.
- اعىلشىن تىلىندە مۋلتفيلمدەر كورۋ
بۇل ءۇشىن مۋلتفيلمدەر عانا ەمەس، سونىمەن قاتار تەلەشوۋلار، فيلمدەر نەمەسە سەريالدار دا قولايلى. ءاربىر بالانىڭ ءوزى جاتقا بىلەتىن سۇيىكتى ءمۋلتفيلمى بولادى. اعىلشىن تىلىندە بۇرىننان بەلگىلى كەيىپكەرلەردىڭ شىتىرمان وقيعالارىن سەزىنۋدى ۇسىنىڭىز. بالا سيۋجەتتى بۇرىننان بىلەتىندىكتەن، ول ورىس تىلىندەگى ءسوز تىركەستەرىن اعىلشىن تىلىندەگى ءسوز تىركەستەرىمەن سالىستىرا وتىرىپ، نە تۋرالى ايتىلىپ جاتقانىن تۇسىنەدى. بۇل ستاندارتتى ساباققا تاماشا بالاما بولا الادى.