ازيالىق دامۋ بانكى «جاسىل» جوبالاردى جۇزەگە اسىرۋعا ينۆەستيسيا سالادى

ادب ورتالىق ازيا وڭىرلەرىندە «جاسىل» جوبالاردى جۇزەگە اسىرۋعا 100 ملرد دوللار ينۆەستيسيا سالۋعا نيەتتى

قارجى ينستيتۋتىنىڭ وكىلدەرى «كليماتتى ساقتاۋ ءۇشىن كۇرەستەگى وڭىرلىك بىرلىك» كونفەرەنسياسى بارىسىندا ورتالىق ازيا ەلدەرىنىڭ بىرلەسىپ جۇزەگە اسىراتىن كليماتتىق ارەكەتتەرىنىڭ ماڭىزدىلىعىن، سونداي-اق «جاسىل» جوبالاردى دامىتۋدا جانە كليماتتىڭ وزگەرۋى سالدارىمەن كۇرەستە قازاقستاننىڭ ايرىقشا ۇلەسى بارىن اتاپ ءوتتى، دەپ حابارلايدى Almaty-akshamy.kz

«ورتالىق ازيا وسى جاھاندىق پروبلەمانى شەشۋدە شەشۋشى ءرول اتقارۋى ءتيىس جانە ازيالىق دامۋ بانكى كليماتتى قارجىلاندىرۋدا 2019-2030 جىلدار كەزەڭىنە 100 ملرد اقش دوللارى مولشەرىندە قارجى ءبولىپ وتىر. بۇل جىلىنا 8،8 ملرد دوللار شاماسىندا. ارينە، بۇل ۇلكەن اقشا، ءبىراق ونى جاھاندىق ماسەلەلەردى شەشۋ ءۇشىن ءتيىمدى پايدالانۋ كەرەك. سوندىقتان كوزدەگەنىمىزگە جەتۋ جانە پاندەميادان كەيىن قايتادان قالىپقا كەلۋ ءۇشىن ورتالىق ازيا ەلدەرىمەن، اسىرەسە قازاقستانمەن ىنتىماقتاستىق ورناتقىمىز كەلەدى. 100 ملرد دوللاردىڭ 66 ملرد-ىن ءبىز كليماتتىڭ وزگەرۋىن جۇمسارتۋ جانە بەيىمدەلۋ ءۇشىن 34 ملرد ينۆەستيسيا سالۋدى جوسپارلاپ وتىرمىز»، - دەيدى ادب پرەزيدەنتى ماساسۋگۋ اساكاۆا