بۇرىنعى بارشاعا ورتاق باعاسى 27 600 تەڭگە بولاتىن.
قازاقستاندا بالا ءتولقۇجاتىنا سالىناتىن مەملەكەت باج كولەمى ەكى ەسە تومەندەتىلۋى مۇمكىن، دەپ حابارلايدى Almaty-akshamy.kz
سەنات دەپۋتاتتارى "سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى" ق ر كودەكسىنە (سالىق كودەكسى) وزگەرىستەر ەنگىزۋ" جانە "سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى" ق ر كودەكسىن قولدانىسقا ەنگىزۋ تۋرالى" زاڭ جوباسىن تالقىلادى.
قۇجاتتا كامەلەتكە تولماعاندارعا ءتولقۇجات بەرگەنى ءۇشىن مەملەكەتتىك باجدى 8 اەك-تەن (27 600 تەڭگە) 4 اەك-كە (13 800 تەڭگە) دەيىن تومەندەتۋ ۇسىنىلادى.
دەپۋتاتتار اتاپ وتكەندەي، بالالاردىڭ سىرتقى كەلبەتى تەز وزگەرىپ وتىرادى جانە 2-3 جىل ىشىندە ءتولقۇجاتتاعى سۋرەت بالانىڭ ناقتى تۇرىنە سايكەس كەلمەيدى. وسىعان بايلانىستى اتا-انالار بالالارعا جاڭا ءتولقۇجات جاساتۋى كەرەك بولادى.
وسىلايشا، بالانىڭ ءتولقۇجاتى تەك 1-2 ساپارعا عانا پايدالانىلادى، بۇل وتە قىمبات، اسىرەسە، وتباسىندا بىرنەشە بالاسى بارلار ءۇشىن ءتىپتى ارتىق شىعىن.