الماتىدا بالالارىنا اليمەنت تولەمەگەن تۇرعىن ۇستالدى، دەپ حابارلايدى aqshamnews.kz.
الماتى كوشى-قون قىزمەتى بولىمشەسىنىڭ حابارلاۋىنشا، ەر ادام ءبىر جىل بويى بالالارىنا اليمەنت تولەۋ تۋرالى سوت شەشىمىن ەلەمەگەن.
– ول ىزدەۋدە بولدى. بۇگىنگى كۇنگە دەيىن بالالارىنا اليمەنت بويىنشا بەرەشەك سوماسى 2 ميلليون تەڭگەدەن اسادى. ءبىزدىڭ بولىمشە قىزمەتكەرلەرى ەر ادامدى ۇستادى جانە ءوز قۇزىرەتىنە سايكەس قارىز سوماسىن ءوندىرۋ تۋرالى سوت شەشىمىن ودان ءارى ورىنداۋ ءۇشىن جەكە سوت ورىنداۋشىسىنا بەرىلدى، – دەدى الماتى قالاسى پد كوشى-قون قىزمەتى باسقارماسىنىڭ باسشىسى اسحات بۋتۋنچينوۆ.
سونىمەن قاتار الماتى پوليسيا دەپارتامەنتى، وسى جىلدىڭ 14-18 قازان ارالىعىندا “زاڭسىز كەلۋشى – 2024” رەسپۋبليكالىق جەدەل-پروفيلاكتيكالىق ءىس-شاراسى وتكىزىلىپ جاتقانىن ەسكە سالدى. ءىس-شارانىڭ ماقساتى – زاڭسىز كوشى-قون ارنالارىن، سونداي-اق باسقا دا زاڭسىز ارەكەتتەردى انىقتاۋ جانە جولىن كەسۋ.