بالالاردىڭ جولداعى قاۋىپسىزدىگىن قامتاماسىز ەتۋ ماسەلەسى ەرەكشە ماڭىزعا يە. وسى ماقساتتا ىشكى ىستەر مينيسترلىگىنىڭ قىزمەتكەرلەرى ەلوردا تۇرعىندارىنا جول ەرەجەلەرىن ساقتاۋ قاجەتتىگىن ءتۇسىندىردى. بۇل جۇمىسقا «Q88» اۋماقتاردى تۇراقتى دامىتۋ قاۋىمداستىعى دا قولداۋ كورسەتتى.
وقۋ ورىندارىنىڭ الدىندا پوليسيا قىزمەتكەرلەرى مەن قوعام بەلسەندىلەرى بىرلەسىپ، بالالاردى تاسىمالداۋ كەزىندە جول قوزعالىسى ەرەجەلەرىن ساقتاۋ قاجەتتىگى تۋرالى پروفيلاكتيكالىق اكسيا ۇيىمداستىردى.
2024 جىلدىڭ 10 ايىندا جول اپاتتارى سالدارىنان 267 بالا قايتىس بولعان. ولاردىڭ جارتىسىنا جۋىعى اۆتوكولىكتەردە جولاۋشى رەتىندە بولعان. بۇل قايعىلى وقيعالاردىڭ نەگىزگى سەبەبى – بالالاردى تاسىمالداۋ ەرەجەلەرىن بۇزۋ، اتاپ ايتقاندا، ارنايى اۆتوكرەسلولاردى، اداپتەرلەر مەن ۇستاعىشتاردى پايدالانباۋ.
زاڭناماعا سايكەس، ەلىمىزدە 12 جاسقا دەيىنگى بالالاردى اۆتوكولىكتەردە تاسىمالداۋ ءۇشىن ارنايى بالالار كرەسلولارىن پايدالانۋ مىندەتتى. بۇل شارا بالالاردىڭ جولداعى قاۋىپسىزدىگىن ارتتىرۋعا باعىتتالعان.
بالالار اراسىنداعى جول قوزعالىسى ەرەجەلەرىن ناسيحاتتاۋ ءۇشىن ەل مەكتەپتەرىندە «قوزعالىستىڭ جاس ينسپەكتورلارى» اتتى ارنايى وتريادتار قۇرىلعان. بۇل توپتار پوليسەيلەرمەن بىرگە قاتارلاستارىنا جول ءجۇرىسى قاعيدالارىن تۇسىندىرۋدە بەلسەندى جۇمىس اتقارۋدا.
مۇنداي ءىس-شارالار بالالاردىڭ جولداعى قاۋىپسىزدىگىن ارتتىرۋعا جانە قوعامدا جول ەرەجەلەرىن ساقتاۋ مادەنيەتىن قالىپتاستىرۋعا ىقپال ەتەدى.