الەۋمەتتىك جەلىلەر مەن مەسسەندجەرلەردە قازاقستاندىقتار ق ر دەنساۋلىق ساقتاۋ ءمينيسترى الەكسەي سوي بالالاردى COVID-19 قارسى مىندەتتى ۆاكسينالاۋ تۋرالى بۇيرىققا قول قويعانى تۋرالى حابارلاما شىندىققا جاناسپايدى، دەپ حابارلايدى almaty-akshamy.kz Stopfake.kz. سىلتەمە جاساپ.
سانيتارلىق-ەپيدەميولوگيالىق باقىلاۋ كوميتەتى 12 جاستان اسقان بارلىق بالالاردى COVID-19-عا قارسى ۆاكسينالاۋعا مىندەتتەيتىن بۇيرىق تۋرالى اقپاراتتى جوققا شىعاردى. ۆەدومستۆونىڭ رەسمي وكىلى مۇنداي بۇيرىق جوق ەكەنىن مالىمدەدى.
– قازىرگى ۋاقىتتا ۆاكسينانىڭ قاجەتتى كولەمىن ەسەپتەۋ، سۋىق تىزبەكتى قامتاماسىز ەتۋ جۇرگىزىلدى (Pfizer ۆاكسيناسى ءۇشىن ۋلترا تومەن تەمپەراتۋرالىق رەجيمدى ساقتاۋ قاجەت -مينۋس 60 -90 گرادۋس سەلسيي). جاسوسپىرىمدەردى ەگۋگە ارنالعان ۆاكسينانى الۋدىڭ بولجالدى ۋاقىتى – بيىل قاراشانىڭ ەكىنشى ونكۇندىگىندە. اتالعان توپتارعا جاتاتىن تۇلعالاردى ۆاكسيناسيالاۋ ولاردىڭ اقپاراتتاندىرىلعان ەرىكتى كەلىسىمىنەن كەيىن، جاسوسپىرىمدەردى – تەك اتا-انالاردىڭ نەمەسە رەسمي وكىلدەردىڭ كەلىسىمى بويىنشا عانا جۇزەگە اسىرىلاتىنىن اتاپ وتكەنىمىز ءجون، – دەپ حابارلادى ەرجان بايتانايەۆ.
ايتا كەتەيىك، ەلىمىزدىڭ باس سانيتار دارىگەرى ەرلان قياسوۆ حالىقتى كوروناۆيرۋسقا قارسى Pfizer ۆاكسيناسىمەن ەگۋ بويىنشا ادىستەمەلىك ۇسىنىمداردى بەكىتكەن بولاتىن.