ءازىربايجاندا ءداستۇرلى وقۋ باستالعالى بەرى جالپى ءبىلىم بەرەتىن 4432 وقۋ ورنىنىڭ 19-ى قاشىقتان وقۋعا كوشتى، دەپ حابارلايدى almaty-akshamy.kz ءازىربايجان ءبىلىم جانە عىلىم مينيسترلىگىنە سىلتەمە جاساپ.
ۆەدومستۆونىڭ مالىمەتىنشە، قازىرگى ۋاقىتتا 433 سىنىپ ونلاين وقىپ جاتىر، ال بۇعان دەيىن قاشىقتان ءبىلىم بەرۋگە وتكەن 72 سىنىپ ءداستۇرلى وقۋىن قايتا جالعاستىردى.
«قازىرگى ۋاقىتقا دەيىن 1 595 108 وقۋشىنىڭ 3 477ء-ى جانە 229 871 ءمۇعالىم مەن مەكتەپتىڭ تەحنيكالىق قىزمەتكەرىنىڭ 2 494ء-ى (1%) COVID-19 جۇقتىرىپ الدى»، - دەلىنگەن حابارلامادا.
ءازىربايجاننىڭ ءبىلىم مينيسترلىگى وسى جاعدايعا بايلانىستى اتا-انالاردى 12 جاستان اسقان بالالارىنا ەكپە سالدىرتۋعا شاقىردى.
مينيسترلىك جاسوسپىرىمدەردى ۆاكسينالاۋ باكۋ ساۋىقتىرۋ ورتالىعىندا اتا-انالاردىڭ رۇقساتىمەن عانا جۇرگىزىلىپ جاتقانىن ەسكە سالدى.
ەسكە سالايىق، ءازىربايجاندا 22 قىركۇيەكتەن باستاپ 1-4 سىنىپتارعا، 29 قىركۇيەكتەن باستاپ 5-11 سىنىپتارعا ءداستۇرلى وقۋ باستالدى. ءبىلىم مەكەمەلەرىندە جۇمىس ىستەيتىندەردىڭ 80%-دان استامى COVID-19-عا قارسى تولىق ۆاكسينا العان.