ق ر وقۋ-اعارتۋ مينيسترلىگىنىڭ باستاماسىمەن يۋنيسەف-پەن بىرلەسە جۇرگىزىلگەن "Kazakhstan Kids Online" اۋقىمدى زەرتتەۋى نەگىزىندە قازاقستاندا بالالاردىڭ ينتەرنەتتى پايدالانۋىمەن بايلانىستى ەلەۋلى سىن-قاتەرلەر انىقتالدى.
زەرتتەۋدىڭ نەگىزگى قورىتىندىسى سيفرلىق الەمدە بالالار ءۇشىن قاۋىپتەردى ازايتۋ جانە قولداۋ ستراتەگيالارىن ازىرلەۋگە باعىتتالعان، دەپ حابارلايدى Almaty-akshamy.kz.
ينتەرنەت بالا ءومىرىنىڭ ماڭىزدى ءبىر بولىگىنە اينالۋدا. زەرتتەۋ ناتيجەسىنە سايكەس، بالالاردىڭ 5%-ى جەلىگە العاش رەت ءتورت جاستا، كەي جاعدايدا ءتىپتى ودان دا ەرتە جاستا كىرەدى. ال 9-10 جاس ارالىعىنداعى بالالاردىڭ 60%-ى جانە 11-12 جاس ارالىعىنداعى بالالاردىڭ 66%-ى الەۋمەتتىك جەلىلەر مەن ويىن پلاتفورمالارىندا ءوز اككاۋنتتارىنا يە.
ەڭ الاڭداتارلىق تۇجىرىمداردىڭ ءبىرى − بالالاردىڭ 15،3%-ى كۇندەلىكتى، اپتا سايىن نەمەسە كەم دەگەندە ايىنا ءبىر رەت ينتەرنەتتە جاعىمسىز كونتەنتپەن بەتپە-بەت كەلەدى. ول بالالاردىڭ 11،7%-ى قاتتى كۇيزەلىسكە ۇشىراعان. بۇل ماسەلە جاس ۇرپاق اراسىندا كيبەرقاۋىپسىزدىكتى كۇشەيتۋدىڭ تەز ارادا قولعا الىنۋى كەرەك ەكەنىن كورسەتەدى.
ستاتيستيكالىق دەرەكتەرگە سۇيەنسەك، كيبەربۋللينگكە كۋا بولعان بالالاردىڭ باسىم بولىگى (52،1%) ول تۋرالى ەشكىمگە ايتپاۋدى ءجون كورەدى. ال اتا-انالاردىڭ 17،6%-ى عانا تىيىم سالىنعان كونتەنتتى بۇعاتتاۋ جانە زياندى ماتەريالداردى سۇزگىدەن وتكىزۋ قۇرالدارىن پايدالانادى.
وسى تۇستا وقۋ-اعارتۋ مينيسترلىگى بالالاردىڭ قۇقىقتارىن قورعاۋ كوميتەتى اتا-انالارعا «اتا-انا باقىلاۋى» قوسىمشاسىن ۇسىنادى. بۇل ونلاين كەڭىستىكتە بالالاردىڭ قاۋىپسىزدىگىن قامتاماسىز ەتەتىن ءتيىمدى قۇرال. قولدانبانى Play MARKET جانە APP STORE پلاتفورمالارىنان جۇكتەۋگە بولادى.
«اتا-انا باقىلاۋى بالالاردىڭ ينتەرنەتتەگى قاۋىپسىزدىگىن قامتاماسىز ەتۋدىڭ جالپى ستراتەگياسىنىڭ ءبىر بولىگى عانا. بالالارمەن اشىق ديالوگ جۇرگىزۋ جانە ولاردىڭ ونلاين ءومىرىن ۇنەمى تالقىلاۋ ماڭىزدى. ءبىز اتا-انالار، پەداگوگتەر، اكت − ماماندارى مەن ب ا ق وكىلدەرىنىڭ ينتەرنەتتەگى بالالاردىڭ قاۋىپسىزدىگىن قامتاماسىز ەتۋدە ماڭىزدى ءرول اتقاراتىنىنا سەنىمدىمىز»، - دەپ اتاپ ءوتتى بالالاردىڭ قۇقىقتارىن قورعاۋ كوميتەتىنىڭ ءتوراعاسى ناسىمجان وسپانوۆا.
كوميتەت اتا-انالاردىڭ اتا-انالار باقىلاۋى قوسىمشالارىن پايدالانۋدىڭ ماڭىزدىلىعى تۋرالى حاباردار بولۋىن ارتتىرۋعا جانە ولاردى ونلاين-كەڭىستىكتە بالالاردىڭ قاۋىپسىزدىگىن قامتاماسىز ەتۋدىڭ ءتيىمدى ادىستەرىنە ۇيرەتۋگە باعىتتالعان كەڭ اۋقىمدى ناۋقان وتكىزۋدى ماقسات ەتەدى.