بالالار ينفەكسيالىق اۋرۋلار دارىگەرى، روزا وتەگەن قىزى باجەنوۆا جرۆي جانە تۇماۋ بەلگىلەرى كەزىندە قانداي اسقىنۋلار بايقالاتىنىن ايتىپ بەردى، دەپ حابارلايدى aqshamnews.kz
ءقازىر بالالاردا قانداي اسقىنۋلار بايقالادى؟
وسى ماۋسىمدا ا تۇماۋى ۆيرۋسى(H3N2) تارالادى. ول اگرەسسيۆتى اعىممەن ەرەكشەلەنەدى.
نەگىزگى بەلگىلەرى:
ىستىقتى تۇسىرەتىن ءدارى اسەر ەتپەيتىن جوعارى دەنە قىزۋى، تۇراقتى قىزبا،
تىرىسۋلار - ءتىپتى قوسالقى اۋرۋلارى جوق مۇلدەم دەنى ساۋ بالالاردا دا بايقالادى،
لارينگيت، كومەيدىڭ ءىسىنۋى،
ءىشتىڭ اۋىرۋى جانە اسقازان-ىشەك جولدارىنىڭ زاقىمدانۋى،
جالپى ۋىتتانۋ، السىزدىك.