استانادا وتكەن حالىقارالىق كونفەرەنسيانىڭ كۇن تارتىبىندە قولداۋشى ءقاۋىپسىز ورتا قۇرۋ، ساپالى دياگنوستيكاعا، ەمدەۋگە جانە مەنتالدىق بۇزىلۋلاردىڭ پروفيلاكتيكاسىنا قولجەتىمدىلىكتى جاقسارتۋ ماقساتىندا بالالار مەن جاسوسپىرىمدەردىڭ پسيحيكالىق دەنساۋلىعىن نىعايتۋ ماسەلەلەرى تالقىلاندى، دەپ حابارلايدى aqshamnews.kz.
«مەنتالدىق دەنساۋلىقتى نىعايتۋ جولى ءارتۇرلى كومپونەنتتەردى ء-اربىر بالا ءوزىن تىڭداپ، تۇسىنەتىن قولداۋشى ورتانى قۇرۋدى قامتيتىنىن اتاپ كەتۋ قاجەت. بۇل ەموسيونالدى ينتەللەكتىنى دامىتاتىن جانە سترەستىك جاعدايلاردى ەڭسەرەتىن ءبىلىم بەرۋ پروسەسى»،-دەپ اتاپ ءوتتى فورۋم الاڭىندا دەنساۋلىق ساقتاۋ ۆيسە-مينيسترى ەرجان نۇرلىبايەۆ.
كونفەرەنسيا ساراپشىلارىنىڭ پىكىرىنشە، حالىقارالىق كونفەرەنسيادا قابىلدانعان پسيحيكالىق دەنساۋلىقتىڭ پروفيلاكتيكاسى، نىعايتۋ جانە قورعاۋ شارالارى جان-جاقتى بولىپ تابىلادى، كوپفۋنكسيونالدى جانە سەكتورارالىق ءتاسىلدى قاجەت ەتەدى، ويتكەنى پسيحيكالىق بۇزىلۋلارى بار ادامدار دەنساۋلىق ساقتاۋ سەكتورىنان تىس قىزمەتتەرگە جانە ودان ءارى قولداۋعا مۇقتاج.
كونفەرەنسيا بارىسىندا قاتىسۋشىلار قوعامنىڭ پسيحيكالىق دەنساۋلىق تۋرالى تۇسىنىگىن وزگەرتۋ، بالالار مەن جاسوسپىرىمدەردىڭ پسيحيكالىق دەنساۋلىعىنا قاتىستى ستيگمامەن كۇرەسۋ ستراتەگياسىن ازىرلەۋ ماسەلەلەرىنە ەرەكشە نازار اۋدارۋعا لايىق ەكەنىن اتاپ ءوتتى.
حالىقارالىق كونفەرەنسيانى بۇۇ-نىڭ «يۋنيسەف» بالالار قورى ددۇ-نىڭ قازاقستانداعى ەلدىك ءوفيسىنىڭ قولداۋىمەن ۇيىمداستىردى جانە قىرعىزستان، تاجىكستان، تۇرىكمەنستان، وزبەكستان جانە بەلارۋس دەلەگاتتارىنىڭ قاتىسۋىمەن ءوتتى.