رەسەي فەدەراسياسىنىڭ نەگىزگى بال وندىرەتىن ايماقتارىندا ارالاردىڭ جاپپاي قىرىلۋىنان ادامزاتقا اسا پايدالى تتابيعي ءونىمنىڭ باعاسى 30-50 پايىزعا قىمباتتاپ كەتكەن، دەپ حابارلايدى aqshamnews.kz.
بۇل جايىندا islam.kz پورتالى Telegram الەۋمەتتىك جەلىسىنىڭ Shot ارناسىنا سىلتەمە جاساي وتىرىپ ءمالىم ەتەدى.
تاتارستان ومارتاشىلارى جەتەكشىسىنىڭ ايتۋىنشا، بۇل سالاداعى ولقىلىق ەگىستىك القاپتارىن توزاڭداندىرۋ كەزىندە اگروحيميالىق دارىلەردى قولدانۋدان تۋىنداعان: كەرى اسەرى ارالار پوپۋلياسياسىنا دا تيگەن. جاندىكتەردىڭ جويىلۋىنا بايلانىستى بال تاپشى بولىپ، باعا كۇرت كوتەرىلە باستادى. «تاتارستاندا وتكەن جىلى تابيعي ليندەن بالى ءۇش ءليترى 2 مىڭ رۋبلگە جەتسە، بيىل ارالاردىڭ جويىلۋىنا بايلانىستى 4 مىڭنان ساتىلۋدا»، - دەپ ءتۇسىندىردى ول. مۇنداي قيىندىقپەن تەك تاتارستان ومارتاشىلارى مەن تۇتىنۋشىلارى عانا ەمەس، سونىمەن قاتار، باشقۇرتستان، التاي وڭىرلەرىنىڭ ارا وندىرۋشىلەرى دە بەتپە-بەت كەلىپ وتىر. وسىنى ەسكەرگەن رف ارا باعى ونەركاسىبى وداعى ەگىستىك القاپتارىندا ۋلى زيميكاتتاردى قولدانۋعا قاتىستى ەرەجەنى قاتايتۋعا ۋادە بەرىپ وتىر. جاھاندىق جىلىنۋدىڭ ۇدەۋىنە بايلانىستى ارالاردىڭ عۇمىرى ەكى ەسە قىسقارعان، ال جاندىكتەردىڭ كولەمى ايتارلىقتاي كىشىرەيگەن. ەگەر وتكەن عاسىردىڭ ەكىنشى جارتىسىندا تاجىريبەلىك جاندىكتەر ورتا ەسەپپەن 34،3 كۇن ءومىر سۇرسە، سوڭعى ون جىلدا بۇل كورسەتكىش ەكى ەسەگە، ياعني، 17،7 كۇنگە دەيىن تومەندەگەن. رەسەيدە دە ارالار سانى عاسىر باسىنان بەرى ۇدايى كەمىپ كەلەدى. ەگەر 1990 جىلى رف اۋماعىندا جالپى سانى 4،5 ميلليون بال اراسى بولسا، 2006 جىلى بۇل كورسەتكىش 3،7 ميلليونعا، ال 2016 جىلى 3 ميلليوننان ءسال استامعا دەيىن تومەندەگەن. ۇلتتىق زەرتتەۋ ۋنيۆەرسيتەتىنىڭ ەكونوميكا جوعارى مەكتەبىنىڭ مالىمەتىنشە، 2008-2018 جىلدارى ەلدەگى بال جاندىكتەرىنىڭ سانى 40 پايىزعا ازايعان.