الماتىدا بالالار كولونياسىنىڭ ۇستازدارى “وتان پاتريوتى” مەدالىمەن ماراپاتتالدى.
الماتىداعى بالالار كولونياسىندا 49 بالا مەكەمە ىشىندەگى جالپى ءبىلىم بەرەتىن ورتا مەكتەپتە ءبىلىم الادى، دەپ حابارلايدى aqshamnews.kz Polisia.kz-كە سىلتەمە جاساپ.
بۇگىن اتالعان كولونيادا مۇعالىمدەر كۇنىنە ارنالعان سالتاناتتى ءىس-شارا ۇيىمداستىرىلىپ، مۇعالىمدەر دەپارتامەنت باسشىلىعىنىڭ العىس حاتىنا يە بولسا. ارداگەرلەر كەڭەسىنىڭ ءتوراعاسى ە.ساعالبايەۆ №3 مەكتەپ ديرەكتورى ز.اتەنوۆاعا، مەكتەپ ديرەكتورىنىڭ ورىنباسارلارى، تاجىريبەلى ۇستازدار ل.المازوۆا مەن ا. الييەۆاعا “وتان پاتريوتى” مەدالىن تابىستادى. الاڭسىز اسىر سالاتىن كەزدەرىندە كوزدەرى جاۋدىرەپ تەمىر توردا جۇرگەن بالالاردىڭ جاناشىرى بولا بىلگەن ايزادا الييەۆا بالالار كولونياسىندا 20 جىلعا جۋىق قازاق ءتىلى مەن ادەبيەتىنەن ساباق بەرەدى.
– مەن ءمۇعالىم عانا ەمەس، ەڭ الدىمەن انامىن عوي. ال انا جۇرەگى قاشاندا بالاعا دەگەن بال سەزىمگە باي. جازالى بالالاردى جابىرقاتپاي، قايتا قاتەلىكتەرىن قايتالاماۋعا ۇگىتتەيمىن. ولارعا ادەبي كەيىپكەرلەردىڭ جەتىستىكتەرى مەن جارقىن ومىرلەرىن مىسال ەتىپ وقىتامىن، – دەيدى ۇلاعاتتى ۇستاز ايزادا الييەۆا.
بالالاردىڭ ساباقتى جاقسى وقىپ، تەزىرەك كەسىمدى جازالارىن وتەپ، بولاشاقتا مىقتى مامان بولۋلارىنا بارىمىزدى سالامىز. ءوزىڭ وقىتقان بالانىڭ تەمىر توردان بوساپ، ەركىندىككە شىققانىن كورگەندە شىن كوڭىلدەن قۋاناسىڭ. بولاشاقتا قاناتى قايىرىلماسا ەكەن دەگەن تىلەكپەن شىعارىپ سالاسىڭ ۇستازدارعا ارنالعان سالتاناتتى جيىن سوڭى وقۋشىلاردىڭ ءوز كۇشتەرىمەن دايىنداعان كونسەرتتىك باعدارلاماعا ۇلاستى.