ول كولىك سالاسىنىڭ وكىلدەرىن قوزعالىس قاۋىپسىزدىگى مەن سيفرلىق تەحنولوگيالاردى ەنگىزۋ ماسەلەلەرىن تالقىلاۋ ءۇشىن بىرىكتىردى.
قازاقستان رەسپۋبليكاسىنىڭ كولىك ۆيسە-مينيسترى ءساتجان ابلالييەۆ فورۋمنىڭ اشىلۋىندا ونلاين فورماتتا قۇتتىقتاۋ ءسوز سويلەدى. ءوز سوزىندە ول مينيسترلىكتىڭ كولىك سالاسىن سيفرلاندىرۋعا باعىتتالعان ءبىرقاتار ماڭىزدى جوبالارى تۋرالى ايتىپ ءوتتى، دەپ حابارلايدى aqshamnews.kz كولىك مينيسترلىگىنە سىلتەمە جاساپ.
اتاپ ايتقاندا، ول ءوتىنىش بەرۋسىز-اق ازاماتتارعا جەڭىلدەتىلگەن جول ءجۇرۋ بيلەتتەرىن اۆتوماتتى تۇردە بەرۋگە مۇمكىندىك بەرەتىن پرواكتيۆتى فورماتقا كوشىرۋ بويىنشا جۇرگىزىلىپ جاتقان جۇمىستار تۋرالى حابارلادى.
ءساتجان ابلالييەۆ جول جابىنىن قورعاۋ شارالارىنا دا نازار اۋداردى. وسى تاراپتا ۆەدومستۆو جەرگىلىكتى اتقارۋشى ورگاندارمەن بىرلەسىپ، جولدارعا تۇسەتىن جۇكتەمەنى باقىلاۋ ماقساتىندا جۇك اۆتوكولىگىنىڭ سالماعىن ولشەيتىن اۆتوماتتاندىرىلعان ستانسيالاردى ورناتۋعا كىرىستى.
«بيىل ەلىمىزدىڭ باس قالاسى - استاناعا كىرەبەرىستەردە وسىنداي جەتى ستانسيا ورناتىلدى. الداعى جىلدارى ولاردىڭ سانىن رەسپۋبليكالىق جولداردا 70-كە، وبلىستىق جانە جەرگىلىكتى اۆتودورالاردا 150-گە دەيىن ارتتىرۋ جوسپارلانۋدا»، - دەپ اتاپ ءوتتى ۆيسە-مينيستر.
فورۋمعا ق ر كولىك مينيسترلىگىنىڭ، ۇلتتىق تاسىمالداۋشىلاردىڭ، «KAZLOGISTICS» كولىك قىزمەتكەرلەرى وداعىنىڭ، ينجەنەرلىك جۇيەلەردى وندىرۋشىلەرىنىڭ، عىلىمي ۇيىمداردىڭ، كونسالتينگتىك كومپانيالاردىڭ، سونداي-اق، ءبىلىم بەرۋ جانە كوممەرسيالىق ەمەس مەكەمەلەردىڭ وكىلدەرى قاتىسادى.
اتالعان ءىس-شارا اياسىندا قاتىسۋشىلار اۆتوموبيل جانە تەمىرجول سالالارىنداعى سيفرلاندىرۋ مەن قاۋىپسىزدىكتى، اۋە جانە سۋ كولىگىن دامىتۋدى، سونىمەن قاتار، كولىك-لوگيستيكا سالاسى ءۇشىن كادرلار دايارلاۋ ماسەلەلەرىن تالقىلايدى.
فورۋم ەكى كۇنگە جالعاسىپ، قاتىسۋشىلارعا تاجىريبە الماسۋعا جانە كولىك ينفراقۇرىلىمىن ودان ءارى دامىتۋ ءۇشىن شەشىمدەر ۇسىنۋعا مۇمكىندىك بەرەدى.