الماتى قالاسىنىڭ قىلمىستىق اتقارۋ جۇيەسى دەپارتامەنتىنە قاراستى لا- 155/6 مەكەمەسىندە دە تاعى ءبىر وقۋ جىلىنىڭ اياقتالعانىن بىلدىرەتىن سوڭعى قوڭىراۋ سوعىلدى.
سالتاناتتى جيىن ەلىمىزدىڭ انۇرانىمەن باستالدى. ورتاعا 11 سىنىپتى ءبىتىرۋشى تۇلەكتەر سىنىپ جەتەكشىلەرىمەن شىقتى.
مەكەمە باسشىسى، ادىلەت پودپولكوۆنيگى تولۋبايەۆ ميراس اندرەيەۆيچ تۇزەتۋ مەكەمەسى ىشىندەگى مەكتەپتى ءبىتىرىپ جاتقان جەتكىنشەكتەردى مەرەكەمەن قۇتتىقتاپ، بولاشاقتا جاقسى ازامات بولىپ شىعاتىندىقتارىنا سەنىم ءبىلدىردى. مەكتەپتىڭ وقۋ جانە تاربيە جونىندەگى ورىنباسارلارى المازوۆا ليۋدميلا ۆاسيليەۆنا مەن الييەۆا ايزادا ءابدىمادي قىزى دا لەبىزىن جەتكىزدى.
بيىل 11 سىنىپتى 11 وقۋشى، ال 9 سىنىپتى 1 وقۋشى ءبىتىردى. ۇلگەرىمى جاعىنان 10 ەكپىندى شىقتى. بالالار ماقتاۋ قاعازدارىمەن ماراپاتتالدى. قوعامدىق جۇمىستارعا بەلسەنە قاتىسقاندارى دا ەرەكشە اتالىپ ءوتتى.
سوڭعى قوڭىراۋ ءۇنى وقۋشىلاردىڭ ءوزى دايىنداعان كونسەرتتىك باعدارلامامەن جالعاستى. وسى مەرەكەگە اتا-انالار كوميتەتىنىڭ وكىلدەرى دە كەلىپ، ۇستازدارعا العىسىن ءبىلدىرىپ، گۇل شوقتارىن ۇسىندى.