ق ر پرەزيدەنتى قاسىم-جومارت توقايەۆ 2022 جىلدى «بالالار جىلى» دەپ جاريالاعان بولاتىن. وسىعان وراي تۇركيا رەسپۋبليكاسى «TÜRKTAV» تۇركى مادەنيەتى جانە تاريحى قورى الماتى قالاسى ورتالىقتاندىرىلعان كىتاپحانا جۇيەسىمەن بىرلەسە وتىرىپ، «بالالار كىتاپحاناسى قىزمەتى نۇسقاۋلىعى» اتتى كىتاپتىڭ تانىستىرىلىمىن ۇيىمداستىردى.
وقۋلىق اۆتورى حادجەتتەپە ۋنيۆەرسيتەتىنىڭ اقپارات جانە دەرەكتەردى باسقارۋ ءبولىمىنىڭ وقىتۋشىسى پروفەسسور بۇلەنت يىلماز. كىتاپ حالىققا اشىق تۇردە قىزمەت كورسەتەتىن بالالار كىتاپحاناسىندا ەڭبەك ەتەتىن كىتاپحاناشىلارعا كىتاپحانانىڭ ىس-ارەكەتى مەن قىزمەتتەرى جونىندە جول كورسەتۋ جانە جاردەم بەرۋ ماقساتىندا دايىندالعان.
بۇلەنت يىلماز - بىرنەشە عىلىمي كىتاپتار مەن ماقالالاردىڭ اۆتورى. ءتۇرلى حالىقارالىق جانە ۇلتتىق عىلىمي جۋرنالداردىڭ ساراپتاما القاسى مۇشەسى.
تۇركيا رەسپۋبليكاسى «TURKTAV» تۇركى تاريحى جانە مادەنيەتى قورى كونە داۋىردەن بۇگىنگە دەيىنگى تۇركى الەمىنىڭ تاريحىن، ءتىلى مەن ادەبيەتىن جانە مادەنيەتىن زەرتتەپ، ۇلتتىق جانە حالىقارالىق دەڭگەيدەگى جوبالار ارقىلى تۇركى حالىقتارىنىڭ مادەني جادى مەن تاريحي مۇراسىنىڭ قۇندىلىقتارىن بولاشاق ۇرپاققا جەتكىزۋدى ماقسات تۇتادى. قور كوپتەگەن حالىقارالىق ۇيىم جانە مەكەمەلەرمەن ىنتىماقتاستىق تۋرالى كەلىسىمشارتقا قول قويىپ، تۇركى حالىقتارىنىڭ ادەبيەتى، ءتىلى، تاريحى، مادەنيەتى سالالارىندا بىرنەشە كىتاپتاردى تۇرىك تىلىندە باسىپ شىعارىپ، كوپتەگەن عىلىمي كونفەرەنسيا، سيمپوزيۋم، كورمە، سەمينارلار وتكىزەدى.
«وتىرار» ەلەكتروندىق كىتاپحاناسى قوردىڭ ماڭىزدى جوباسى بولىپ تابىلادى. بۇگىندە كىتاپحانا قورىندا 100.000-نان استام تۇركولوگياعا بايلانىستى كىتاپتار بار.
الماتى قالاسى ورتالىقتاندىرىلعان كىتاپحانا جۇيەسى باسقارماسىمەن ورتاق جوبالار بار. ايتا كەتەلىكە ۇستىمىزدەگى جىلدىڭ مامىر ايىندا «TURKTAV» قورى 500-گە جۋىق تۇرىك تىلىندە شىققان بالالار ادەبيەتىن قازاقستانداعى بالالار كىتاپحانالارىنا تارتۋ ەتپەك، سونداي-اق، تۇركيا رەسپۋبليكاسىنىڭ الماتىداعى باس كونسۋلدىعىنىڭ قولداۋىمەن تۇرىك ءتىلىن ۇيرەتەتىن تەگىن كۋرستار اشپاق.