زاڭسىز تاكسي جۇرگىزۋشىسىنە ادامدارعا ءتيىسىپ، بالاعات سوزدەر ايتقانى ءۇشىن ايىپپۇل سالىندى.
جىل باسىنان بەرى كولىك پوليسەيلەرى ەلدەگى اۋە جانە تەمىرجول كولىگى وبەكتىلەرىندە ءتۇرلى اكىمشىلىك قۇقىقبۇزۋشىلىقتار جاساعانى ءۇشىن 6 421 ازاماتتى جاۋاپكەرشىلىككە تارتتى. سونىڭ ىشىندە قوعامدىق ورىنداردا تيىسكەنى ءۇشىن 387 تۇلعا، ونىڭ 101ء-ى - زاڭسىز تاكسي جۇرگىزۋشىسى، دەپ حابارلايدى Almaty-akshamy.kz Polisia.kz-كە سىلتەمە جاساپ.
ماسەلەن، 14 اقپاندا استانا ستانسياسىنداعى جەلىلىك پوليسيا باسقارماسىنا قوستاناي – الماتى-1 باعىتىنداعى پويىز جولاۋشىسى شاعىمداندى. ونىڭ ايتۋىنشا، ەلوردانىڭ تەمىرجول ۆوكزالىنان شىعا بەرىسىندە تاكسي جۇرگىزۋشىلەرى مازاسىن الىپ تيىسكەن، ەسكەرتۋلەرگە قۇلاق اسپاعان، سونداي-اق بالاعات سوزدەر ايتقان.
تەكسەرۋ كەزىندە پوليسەيلەر 45، 48، 50 جانە 51 جاستاعى جەتى ازاماتتى انىقتادى، ولاردىڭ بىرەۋى بۇعان دەيىن ادامداردىڭ مازاسىن الىپ، تيىسكەنى ءۇشىن اكىمشىلىك جاۋاپكەرشىلىككە تارتىلعان. وعان ق ر اقبتك-نىڭ 449-بابى 2-بولىگى بويىنشا 10 ايلىق ەسەپتىك كورسەتكىش (34 500 تگ) مولشەرىندە ايىپپۇل سالىندى. 6 قۇقىق بۇزۋشىعا قاتىستى ق ر اقبتك-نىڭ 449-بابى 1-بولىگى بويىنشا اكىمشىلىك حاتتاما تولتىرىلدى.
سونىمەن قاتار، 45 جاستاعى ەر ادام ۇساق بۇزاقىلىق جاساعانى ءۇشىن ق ر اقبتك-نىڭ 434-بابى 1-بولىگى بويىنشا جاۋاپكەرشىلىككە تارتىلىپ، وعان 5 اەك (17 250 تگ) مولشەرىندە ايىپپۇل سالىندى.
ەستەرىڭىزگە سالا كەتەيىك، قوعامدىق ورىنداردا ءتيىسۋ بويىنشا اكىمشىلىك جازا قولدانىلعاننان كەيىن اتالعان فاكتى قايتالانعان جاعدايدا 10 اەك مولشەرىندە ايىپپۇل سالۋعا نەمەسە 5 تاۋلىككە دەيىنگى مەرزىمگە قاماۋعا الۋعا، ال ۇساق بۇزاقىلىق 5 اەك مولشەرىندە ايىپپۇل سالۋعا نە 10 تاۋلىككە دەيىنگى مەرزىمگە اكىمشىلىك قاماۋعا الۋعا اكەپ سوعادى.