العاشقى كەزەڭدە 2 577 ادامعا قارجىلاي قولداۋ كورسەتۋ جوسپارلانعان.
مەملەكەتتىك گرانت كولەمى – 1 ملن 380 مىڭ تەڭگە. اقشا ءىسىن جاڭا باستاعان كاسىپكەرلەرگە نەمەسە تىركەلگەن جۇمىسسىزدارعا بەرىلەدى. ۇمىتكەرلەر الەۋمەتتىك ساناتتاعى ازامات بولۋعا ءتيىس.
مىسالى، مۇگەدەكتىگى بار ادام، قانداستار، وڭىرگە قونىس اۋدارۋشىلار، تۇرمىسى ناشار، كوپ بالالى وتباسىلار، اسىراۋشىسىنان ايىرىلعاندار گرانتقا ۇمىتكەر بولا الادى. ءوتىنىم Business.enbek.kz پورتالىندا نەمەسە جەرگىلىكتى جۇمىسپەن قامتۋ ورتالىقتارىندا قابىلدانادى. گرانت قاجەتتى قۇرال-جابدىقتار، مال مەن قۇس، تۇقىم، ورىن-جايلار الۋعا بەرىلەدى.
«گرانت الۋ ءۇشىن ۇمىتكەردىڭ «باستاۋ بيزنەس» جوباسى بويىنشا سەرتيفيكاتى بولۋعا ءتيىس. وقۋ ونلاين جۇرەدى. الەۋمەتتىك تالاپتارعا ساي كەلەتىن كەز كەلگەن ادام وسى جوبا ارقىلى كاسىپكەرلىك نەگىزدەرى تاقىرىبىندا ءبىلىمىن جەتىلدىرە الادى. گرانت تۇرمىس جاعدايى تومەن ازاماتتارعا ارنالعانىن ايتا كەتەيىك. ءوتىنىش بەرگەندە ولار جۇمىسسىز نەمەسە جەكە كاسىپ يەسى بولۋى كەرەك»، - دەيدى ق ر ەحاقم جۇمىسپەن قامتۋ دەپارتامەنتىنىڭ باس ساراپشىسى جادىرا ورازبايەۆا.