زاڭداعى تۇزەتۋ مەكتەپكە دەيىنگى دايىندىقتان وتكەن بالالاردىڭ 31 شىلدەگە دەيىن بالاباقشادا قالۋىنا مۇمكىندىك بەرەدى، دەپ حابارلايدى aqshamnews.kz
بۇل نورمانى ماجىلىسمەندەر مادەنيەت جانە ءبىلىم بەرۋ ماسەلەلەرى بويىنشا زاڭ جوباسىنا وزگەرىس ەنگىزۋ اياسىندا ماقۇلدادى.
بۇعان دەيىن اتا-انالار بالالارى 6 جاسقا تولعان سوڭ بالاباقشادان بوساتىلىپ، وقۋ جىلى باستالعانشا مەكتەپكە دە بارا المايتىنى تۋرالى شاعىمدانعان ەدى.
تۇزەتۋلەر وقۋ اعارتۋ مينيسترلىگىنە مەملەكەتتىك تىلدە وقىتاتىن باستاۋىش سىنىپ وقۋشىلارىنا بەيىمدەلۋ باعدارلامالارىن ازىرلەۋگە وكىلەتتىك بەرەدى. بۇل قازاق ءتىلىن جەتكىلىكتى مەڭگەرمەگەن بالالاردىڭ قوسىمشا دايىندالۋىنا مۇمكىندىك بەرەدى. سونداي-اق زاڭ جوباسىندا مەكتەپكە دەيىنگى ۇيىمداردى سالۋ ءۇشىن بولىنگەن جەر ۋچاسكەلەرىن جەكە مەنشىككە بەرۋگە تىيىم سالۋ بەلگىلەنگەن.