وقۋ-اعارتۋ مينيسترلىگى مەملەكەتتىك قىزمەتكەرلەرگە، بيۋدجەت قاراجاتى ەسەبىنەن ۇستالاتىن ۇيىمداردىڭ قىزمەتكەرلەرىنە، قازىنالىق كاسىپورىنداردىڭ قىزمەتكەرلەرىنە ەڭبەكاقى تولەۋ جۇيەسىنە تۇزەتۋ جوباسىن ازىرلەدى.
تۇزەتۋلەر مەملەكەت باسشىسىنىڭ 2022 جىلعى 1 قىركۇيەكتەگى «ادىلەتتى مەملەكەت. ءبىر حالىق. گۇلدەنگەن قوعام» قازاقستان حالقىنا جولداۋىن جۇزەگە اسىرۋ شەڭبەرىندە ءبىلىم بەرۋ قىزمەتكەرلەرىنىڭ الەۋمەتتىك جاعدايى مەن جالاقىسىن ءوسىرۋ ماقساتىندا ازىرلەنگەن، دەپ حابارلايدى Almaty-akshamy.kz Egemen.kz-كە سىلتەمە جاساپ.
جوبانى ىسكە اسىرۋعا رەسپۋبليكالىق بيۋدجەتتەن 27 799 880 مىڭ تەڭگە قاراجات قاجەت.
سونداي-اق «مەكتەپكە دەيىنگى تاربيە مەن وقىتۋدى، ورتا ءبىلىم بەرۋدى جان باسىنا شاققانداعى نورماتيۆتىك قارجىلاندىرۋ ادىستەمەسىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2017 جىلعى 27 قاراشاداعى №597 بۇيرىعىنا ءبىرقاتار وزگەرىس ەنگىزىلەدى.
جوبا 2023 جىلدىڭ 5 مامىرىنا دەيىن قوعامدىق تالقىلاۋ ءۇشىن «اشىق نقا» پورتالىندا ورنالاستىرىلعان.
2023 جىلعى 16 قاڭتاردا قازاقستان ۇكىمەتى ازاماتتىق قىزمەتشىلەرگە، مەملەكەتتىك بيۋدجەت ەسەبىنەن ۇستالاتىن ۇيىمداردىڭ قىزمەتكەرلەرىنە، قازىنالىق كاسىپورىنداردىڭ قىزمەتكەرلەرىنە ەڭبەكاقى تولەۋ جۇيەسىنە وزگەرىستەر ەنگىزدى. ناتيجەسىندە اتالعان ساناتتاعى قىزمەتكەرلەردىڭ جالاقىسى ءوستى.