قارجىلىق مونيتورينگ اگەنتتىگى الماتى قالاسى بويىنشا دەپارتامەنتى Chia Tai Tianging قارجى پيراميداسىن قۇرۋ جانە باسقارۋ فاكتىسى بويىنشا تەرگەۋ جۇرگىزۋدە، دەپ حابارلايدى Almaty-akshamy.kz قازاقپاراتقا سىلتەمە جاساپ.
ۆەدومستۆونىڭ مالىمەتىنشە، كاسىپورىن تاعامدىق قوسپالار مەن باسقا دا دارى-دارمەكتەردى وندىرۋگە ينۆەستورلاردان قاراجات تارتقان. وزىنەن كەيىن ادامداردى الىپ كەلگەن سالىمشىلارعا بونۋس تولەۋ ۋادە ەتىلدى. ايتا كەتۋ كەرەك، Chia Tai Tianging قازاقستان اۋماعىندا زاڭدى تۇلعا رەتىندە تىركەلمەگەن.
قازىرگى ۋاقىتتا قما الماتى قالاسى بويىنشا دەپارتامەنتى اتالعان سەرىكتەستىكتىڭ ەكى بەلسەندى باسشىسىن ۇستاپ، ولار ۋاقىتشا ۇستاۋ يزولياتورىنا قامالدى.باسقا ۇيىمداستىرۋشىلاردى انىقتاپ تابۋ بويىنشا ءىس-شارالار جالعاسۋدا.
قما ازاماتتاردى قىراعى بولۋعا جانە جيناقتارىن كۇماندى قارجى ينستيتۋتتارىنا سالماۋعا شاقىرادى.
ەگەر ءسىز جانە ءسىزدىڭ جاقىندارىڭىز Chia Tai Tianging ارەكەتىنەن زارداپ شەكسە، قما ساll-ورتالىعىنا حابارلاسىڭىز.