قازاقستاندا بالا كۇتىمىنە قاتىستى تولەم 1،5 جاسقا دەيىن سوزىلاتىن بولدى.
مەملەكەت باسشىسى قاسىم-جومارت توقايەۆ 2023 جىلدان باستاپ بالا كۇتىمىنە قاتىستى تولەم مەرزىمىن 1،5 جاسقا دەيىن ۇزارتۋدى تاپسىردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بالانىڭ كۇتىمىنە بايلانىستى تولەمنىڭ مەرزىمىن 2023 جىلدىڭ 1 قاڭتارىنان باستاپ ءبىر جارىم جاسقا دەيىن ارتتىرامىز. اتا-انالار ەڭ ماڭىزدى ءسابي كەزەڭىندە بالالارىمەن ۇزاعىراق بولادى»، - دەدى مەملەكەت باسشىسى جولداۋدى جاريالاۋ كەزىندە.
پرەزيدەنتىڭ ايتۋىنشا، الەۋمەتتىك ساقتاندىرۋ جۇيەسىنە قاتىسىپ وتىرعاندار ءۇشىن جۇمىسىنان ايىرىلۋ بويىنشا تولەمدەر ورتاشا ايلىق تابىستىڭ 45 پايىزىنا دەيىن وسەدى.
بۇدان بۇرىن حابارلانعانداي، قاسىم-جومارت توقايەۆ قازاقستاندا ايەلدەردىڭ زەينەتكە شىعۋى 61 جاس دەڭگەيىندە بەكىتىلەتىنىن ايتتى.