ماماندار بالانىڭ دۇرىس تاماقتانۋىنا ءمان بەرۋ كەرەكتىگىن ايتۋدا
"بالا ءومىرىنىڭ العاشقى جىلدارىندا: مەكتەپكە دەيىنگى جانە مەكتەپ جاسىندا تاماقتانۋدىڭ بۇزىلۋى ادام ءومىرىن بەس جىلعا قىسقارتادى"، - دەيدى رەسەيدىڭ دەنساۋلىق ساقتاۋ مينيسترلىگىنىڭ شتاتتان تىس ديەتولوگى، ران اكادەميگى ۆيكتور تۋتەليان.
بۇل تۋرالى ول "يزۆەستيا" باسىلىمىنا بەرگەن سۇحباتىندا ايتقان، دەپ حابارلايدى Almaty-akshamy.kz ءتىلشىسى
«ءومىر ەسىگىن اشقان العاشقى جىلدارى تاماقتانۋ ءتارتىبىنىڭ بۇزىلۋى - بۇل ادامنىڭ ءومىر ءسۇرۋ ۇزاقتىعىنىڭ ەكى جارىم جىلىن الىپ تاستاعانمەن بىردەي. مەكتەپكە دەيىنگى جانە مەكتەپ كەزەڭدە ءبىز تاعى دا ەكى جارىم جىل جوعالتامىز. جالپى، تاماقتانۋ مادەنيەتىن كوتەرۋ كەرەك»، - دەپ اتاپ ءوتتى ول.
ونىڭ ايتۋىنشا، ەل حالقىنىڭ جارتىسىندا جەكەلەگەن دارۋمەندەردىڭ جەتىسپەۋشىلىگى بايقالادى، 30 پايىزىندا - ءپوليۆيتاميندى جەتكىلىكسىزدىك بار.
«جالپى العاندا، ادامنىڭ ازىق-تۇلىككە جانە بيولوگيالىق بەلسەندى زاتتارعا دەگەن بارلىق قاجەتتىلىكتەرىن ونىڭ ەنەرگيا شىعىنا سايكەس، قاناعاتتاندىراتىنداي تولىققاندى تاماقتانۋ كەرەك. بۇدان كەيىن دەنەنىڭ كەز كەلگەن جاعىمسىز فاكتورلارعا، ونىڭ ىشىندە ۆيرۋستارعا قارسى تۇرۋعا كومەكتەسەتىن مىقتى يممۋنيتەتى بار بازا قالىپتاسادى»، - دەپ اتاپ ءوتتى ساراپشى.