الماتىنىڭ شىمبۇلاقتاعى ەكى قاباتتى ءۇي 2020 جىلدىڭ قاراشاسىندا المالى اۋداندىق سوتىنىڭ ۇكىمىمەن تاركىلەنگەن بولاتىن.
ءۇي «Bank RBK»-دان قاراجات ۇرلاۋ ءىسى بويىنشا تاركىلەندى. قازىرگى ۋاقىتتا بۇل كوتتەدج قالاداعى كەرەي مەن جانىبەك كوشەسىندە ورنالاسقان، بۇرىن بۇل كوشە گورنايا دەپ اتالاتىن، دەپ حابارلايدى aqshamnews.kz.
بۇل ءۇي بۇرىن ساتىلىمعا شىعارىلىپ، ساتىپ الۋشى دا تابىلعان ەدى. ءبىراق ساۋدا ناتيجەلەرى جويىلدى. قازىرگى ۋاقىتتا ءۇي قايتا ساۋداعا قويىلىپ، باعاسى 380 ميلليون تەڭگە دەپ بەلگىلەندى.
ايتا كەتەيىك، بيىل ناۋرىز ايىندا «Qazaq Bankء-نىڭ» بۇرىنعى اكسيونەرى باحىت يبراگيم الماتىدا ءولى تابىلعان ەدى. پوليسيا ونى ءوزىن-وزى ولتىرۋگە جەتكىزۋ ءىسى بويىنشا قىلمىستىق ءىس قوزعاعان بولاتىن. ال تامىز ايىندا بۇل ءىس قىلمىستىق قۇقىقبۇزۋشىلىق قۇرامى بولماۋىنا بايلانىستى جابىلعانى بەلگىلى بولدى. يبراگيم مەحانيكالىق اسفيكسيادان قايتىس بولعانى ايتىلعان.