اۋىلدىق جەرلەردە مەملەكەتتىك قىزمەت الۋعا بولاتىن سيفرلىق نۇكتەلەر اشىلادى
سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين جەتىسۋ وبلىسىنىڭ حالقىمەن كەزدەسىپ، تۇرعىنداردى تولعاندىرعان سۇراقتارعا جاۋاپ بەردى، ۆەدومستۆونىڭ قىزمەتى مەن جوبالارى تۋرالى كەڭىنەن باياندادى، دەپ حابارلايدى Almaty-akshamy.kz.
وڭىرگە ساپارى بارىسىندا سيفرلىق دامۋ ءمينيسترى دەنساۋلىق ساقتاۋ ۆيسە-مينيسترى بەيبىت ەسەنبايەۆپەن بىرگە كوكسۋ اۋدانى بالپىق بي اۋىلىنداعى اۋداندىق ورتالىق اۋرۋحاناندا بولدى. نىساندى ارالاپ، ونداعى دارىگەرلەر قولداناتىن اقپاراتتىق جۇيەلەرمەن تانىستى. مەديسينا ماماندارى اقپاراتتىق جۇيەلەردى قولدانۋداعى اسەرلەرىن ءبولىسىپ، جۇمىستى ودان ءار جەتىلدىرۋ جونىندەگى ءوز ويلارىن ايتتى.
«زاماناۋي قوسىمشالار پاسيەنتكە قامقورلىق جاساۋعا جاردەمشى بولۋى كەرەك، دەنساۋلىق جاعدايى تۋرالى جانە باسقا دا قاجەتتى مالىمەتتەردى ەسىنە سالىپ، وعان حابارلاما جولداپ وتىرۋى كەرەك. قازىرگى كەزدە سامرتفونداردى قالاي قولدانۋ كەرەكتىگىن كەز كەلگەن ادام بىلەدى، سوندىقتان قازاقستاندىقتار ءۇشىن ءوز دەنساۋلىعىنا قاتىستى قاجەتتى دەگەن جەكە مالىمەتتەرىن الىپ وتىرۋ ءۇشىن ءوز ديەۆايسىن قولدانعان قولايلى. دەنساۋلىق ساقتاۋ مينيسترلىگى وسىنى ىسكە اسىرۋ ماسەلەسىن باقىلاۋعا الۋى ءتيىس»، - دەدى مينيستر.
مۇنان سوڭ مينيستر جەرگىلىكتى حقو جۇمىسىمەن تانىسىپ، جەكە ازاماتتار ءۇشىن قابىلداۋ وتكىزدى.
حالىقپەن كەزدەسۋى بارىسىندا باعدات مۋسين حالىققا، سونىمەن قاتار جاڭا سيفرلىق كەڭىستىكتە ءومىر سۇرەتىن بولاشاق ۇرپاققا ارنالعان جاڭا مۇمكىندىكتەر تۋرالى ايتىپ بەردى.
«وسى ايدا مەملەكەت باسشىسى ەلەكتروندى قۇجاتتاردى قاعاز قۇجاتتارمەن تەڭ قولدانۋعا مۇمكىندىك بەرەتىن زاڭعا قول قويدى. بۇدان بولەك ەلەكتروندى ۇكىمەتپەن بىرىككەن بايلانىسى بار بارلىق كومپانيالار مەن مەملەكەتتىك ورگاندار كليەنتتەن قاعاز انىقتامالار سۇراۋعا قۇقى جوق»، - دەدى باعدات مۋسين.
سونىمەن بىرگە مينيستر سيفرلىق ۆەدومستۆو ءمينيسترى اۋىلدىق جەرلەردە تۇراتىن ازاماتتار ءۇشىن «قازپوشتا» اق بازاسىندا مەملەكەتتىك قىزمەت الۋعا بولاتىن سيفرلىق نۇكتەلەر اشىلاتىنىن دا ايتتى. ەندىگى جەردە كومپيۋتەرى نەمەسە ينتەرنەتى جوق اۋىل تۇرعىندارىنىڭ اۋدان ورتالىعىنا نەمەسە قالاعا شىقپاي-اق سيفرلىق نۇكتەلەر ارقىلى قىزمەت الۋعا، مەملەكەتتىك ورگاندارعا ەلەكتروندى وتىنىشتەر جىبەرۋگە مۇمكىندىگى بار.
سونداي-اق تۇرعىنداردى ساپالى بايلانىس جانە ينتەرنەت جەلىسىن بەرۋ كەزدەسۋدە تالقىلانعان وزەكتى ماسەلەلەردىڭ ءبىرى بولدى.
كەزدەسۋگە تەلەكوممۋنيكاسيا كوميتەتىنىڭ، بايلانىس وپەراتورلارىنىڭ وكىلدەرى دە قاتىسىپ، كوپشىلىكتىڭ سۇراقتارىنا جاۋاپ بەرىپ، تۋىنداعان ماسەلەلەردى شەشۋدىڭ جولدارىن قاراستىراتىندارىن ايتتى.
سول سياقتى مينيستر وڭىردەگى جەر رەسۋرستارىنىڭ ءتيىمدى قولدانىلۋىنا عارىشتان مونيترينگ جاساۋدىڭ ناتيجەلەرىنە قىسقاشا توقتالدى. ماسەلەن، 2022 جىلدىڭ 1 جارتىسىندا جەتىسۋ وبلىسى اۋماعىندا 21 224،6 گا ەگىستىك جەردىڭ پايدالانىلماي جاتقانى، 6 973 گا ەگىستىك جەردىڭ ماقساتتى پايدالانىلمايتىنى انىقتالعان.
وعان قوسا 2022 جىلى جەتىسۋ وبلىسى اۋماعىندا 134 رۇقسات ەتىلمەگەن قوقىس نىسانى بار ەكەنى، رۇقسات ەتىلگەن 22 قوقىس كومۋ پوليگونىنىڭ 14ء-ى بەلگىلەنگەن شەكارانى بۇزعانى انىقتالدى. سونداي-اق پايدالى قازبالاردى زاڭسىز پايدالانىپ وتىرعان 44 ورىن بەلگىلى بولدى، سونىڭ 4-ەۋى – اۋماعى وزگەرتىلگەن، 40-ى – اۋماعى وزگەرتىلمەگەن تاريحي ورىن.
توتەنشە جاعدايلاردى الدىن الا ەسكەرتۋگە، ءوز بەتىمەن باسىپ الىنعان اۋماقتار مەن ورمان-توعايلاردى زاڭسىز كەسۋ وشاقتارىن انىقتاۋعا مۇمكىندىك بار.
جۇمىس ساپارىنىڭ سوڭىندا باعدات مۋسين جەتىسۋ وبلىسىنىڭ اكىمى بەيبىت يسابايەۆپەن كەزدەسىپ، سيفرلاندىرۋ سالاسىنداعى ءوڭىردى دامىتۋ جونىندەگى وزەكتى ماسەلەلەردى تالقىلادى.
ءوز كەزەگىندە مينيستر مينيسترلىك جەتىسۋ وڭىرىمەن وبلىستا IT-مامانداردى دايارلاۋ، ءوڭىردىڭ مەملەكەتتىك مەكەمەلەرىنىڭ ءبىرىڭعاي اقپاراتتىق بازاسىن قالىپتاستىرۋ، عارىشتىق مونيتورينگ باعىتتارى بويىنشا بىرلەسكەن جوبالاردى ىسكە اسىرۋعا دايىن ەكەنىن اتاپ ءوتتى.