سىرانىڭ شىنى بوتەلكەسىن سىندىرىپ، پوليسەيگە قاراي جۇگىردى
ەسكە سالايىق، وسى جىلدىڭ 26 شىلدەسىنە قاراعان ءتۇنى اۋە ايلاعىنىڭ اۆتوتۇراعىندا ءۇش ماس ەر ادام توبەلەسكەن بولاتىن. بۇل تۋرالى پوليسياعا كوشەدە ءوتىپ بارا جاتقاندار حابارلاعان.
«توبەلەسىپ جاتقاندار پوليسيا قىزمەتكەرلەرىنىڭ تالاپتارىنا اگرەسسيامەن جاۋاپ بەردى. ولاردىڭ ءبىرى – بۇرىن سوتتالعان 28 جاستاعى ۋ.ەسىمدى ازامات سىرانىڭ شىنى بوتەلكەسىن سىندىرىپ، پوليسەيگە قاراي جۇگىردى، ونى سوققىعا جىققىسى كەلدى. اۋىر قىلمىستى توقتاتقان ءتارتىپ ساقشىسى قىزمەتتىك قارۋىنان اسپانعا ەسكەرتۋ وق اتقان. ناتيجەسىندە، توبەلەسكە قاتىسۋشىلار ۇستالدى. ولار – الماتى جانە تۇركىستان وبلىستارىنىڭ تۇرعىندارى. ولاردىڭ ەكەۋى – بۇرىن ادام توناعانى جانە بوتەننىڭ مۇلكىن ۇرلاعانى ءۇشىن سوتتى بولعان. قۇقىق بۇزۋشىلار ق ر قك-نىڭ 293-بابى 2-بولىگى – بۇزاقىلىقپەن كۆاليفيكاسيالانعان. اتالعان دەرەك بويىنشا سوتقا دەيىنگى تەرگەۋ امالدارى جۇرگىزىلۋدە»، – دەدى الماتى قالالىق پوليسيا دەپارتامەنتى باستىعىنىڭ ورىنباسارى رۇستەم ابدراحمانوۆ.
سوتقا دەيىنگى تەرگەۋ ورگانى كۇدىكتىلەرگە قاتىستى قاماۋعا الۋ بۇلتارتپاۋ شاراسىن تاڭداۋدى سۇرادى. ونى تۇركسىب اۋدانىنىڭ پروكۋرورى دا قولدادى. تەرگەۋ سوتى قىلمىستىڭ ءۇش قاتىسۋشىسىن قاماۋعا الۋعا سانكسيا بەردى.