2024 جىلدىڭ وسى كەزەڭىمەن سالىستىرعاندا ءوسىم شامامەن التى ەسە ارتقان.
2025 جىلدىڭ ەكى ايىندا باعدارشامنىڭ تىيىم سالاتىن سيگنالىنا ءوتۋدىڭ 106 مىڭ فاكتىسى تىركەلدى، دەپ حابارلايدى aqshamnews.kz
باعدارشامنىڭ تىيىم سالاتىن سيگنالىنا ءوتۋ فاكتىلەرى بىلتىردان بەرى كۇرت ءوستى. 2024 جىلدىڭ قورىتىندىسى بويىنشا بۇل كورسەتكىش جىلدىق ماندە بىردەن ءۇش ەسە ارتتى. بۇل – سوڭعى بەس جىلداعى العاشقى وسىنداي سەكىرىس: 2020-2023 جىلدارى ءوسىم جىلىنا 41%-دان اسپاعان. وسىلايشا، بىلتىر قالىپتاسقان ءۇردىس جالعاسىپ قانا قويماي، ونىڭ قارقىنى دا ۇدەي تۇسكەنىن بايقاۋعا بولادى، – دەپ حابارلادى «اكب».
باعدارشامنىڭ تىيىم سالاتىن سيگنالىنا ءوتۋ جاعدايلارى نەگىزىنەن ەلدىمەكەندەردەگى جولدارعا ورناتىلعان كامەرالار ارقىلى تىركەلەدى. ماسەلەن، 2024 جىلى ق ر اقبتك-نىڭ 599-بابى بويىنشا بارلىق قۇقىق بۇزۋشىلىقتاردىڭ 86%-ى بەينەباقىلاۋ جۇيەسى ارقىلى انىقتالعان.
وسىعان سۇيەنە وتىرىپ، بايقالىپ وتىرعان ءوسىم جول قيىلىستارىن بەينەباقىلاۋمەن قامتۋ اۋقىمىنىڭ كەڭەيۋىمەن بايلانىستى بولۋى مۇمكىن دەپ بولجاۋعا بولادى. بۇل گيپوتەزانى اشىق دەرەككوزدەردەن الىنعان مالىمەتتەر جاناما تۇردە راستايدى: 2024 جىلدىڭ تولىق ەمەس كەزەڭىندە جولدارداعى كامەرالار سانى شامامەن 3 مىڭعا – 22 مىڭنان 25 مىڭعا دەيىن ارتقان. دەگەنمەن، ناقتى جۇمىس ىستەپ تۇرعان كامەرالار سانىنىڭ قالاي وزگەرگەنى تۋرالى دەرەكتەر جوق، – دەپ ناقتىلادى ساراپشىلار.
ەسكە سالا كەتەيىك، بۇعان دەيىن الماتىدا جۇرگىزۋشى تەمىرجول وتكەلىندە شلاگباۋم جابىق تۇرعاندا جولعا شىعىپ كەتكەنى حابارلانعان ەدى.