باقتيار ارتايەۆ، بوكستان افينى وليمپياداسىنىڭ چەمپيونى:
قازىرگى تاڭدا كوپ نارسەنى شاتاستىرىپ جاتىرمىز عوي. ءوزىمىزدىڭ ءسالت-داستۇرىمىزدى ۇمىتىپ جاتىرمىز دەگەن سياقتى. وزگەنىكىن الىپ كەلىپ كىرگىزىپ جاتىرمىز. قانداي جاعداي بولسا دا ءبىزدىڭ بولمىسىمىز قازاق قوي. ءبىز قاي كەز بولماسا دا قاراپ تۇرساڭىز، بابالارىمىز «ءارۋاق» دەپ جاۋعا شاپقان، يا.
كەزىندە بابالارىمىزدان كەلە جاتقان دۇنيە. ءقازىر مىسالى سونى ءبىر كۇندە الدىقتا جوق قىلىپ جىبەردىك. وسى ءۇشىن ساقالدى جىگىتتەر سوگەتىن شىعار. سوكسە دە قالاي دەسە دە ءوز ويلارى وزىندە. وزدەرى بىلەدى. بولعان نارسە بولدى. ونى ەشكىم وزگەرتە المايدى. ونى بۇگىن كەلىپ وزگەرتۋ مۇمكىن ەمەس. «ءارۋاق» دەپ شاپقان. اتا-بابالارىنىڭ باسىنا بارىپ، سىيىنعان ەمەس، قۇران باعىشتاعان.
مەن ءوزىم وليمپياداعا اتتانار الدىندا قوجا-احمەت ياسساۋيگە، بابا تۇكتى شاشتى ازىزگە، قاراحان، ايشا بيبىگە باردىم. ءبارىن ارالاپ، بارىنە قۇران باعىشتادىم. «ءولى ريزا بولماي، ءتىرى بايىمايدى» دەگەن بار عوي. ونىڭ ءبارى جايدان جاي الىنعان نارسە ەمەس.
كەيىنگى ۋاقىتتا جاستارىمىز ءسال شاتاسىپ، بۇرىپ الىپ جاتىر. سالت-داستۇرمەن كەلە جاتقان نارسەنى جوعالتپاۋ كەرەك. قۇران باعىشتاپ، قۇرباندىق شالعانىم راس. ءالى دە ىستەيمىن ول نارسەنى. اكە-شەشەمە قۇران باعىشتاپ تۇرام. قۇدايى تاراتىپ تۇرامىن. مۇمكىندىگىم بولسا شىت تاراتىپ، شاشىپ، كومەكتەسىپ تۇراتىن جاعدايلار بولىپ تۇرادى. ارينە، ول كۇندە ەمەس. ءساتى كەلگەن كەزدە. بار نارسەنى جوققا شىعارماۋ كەرەك. بەكزات اعام ءوز الدىنا ىستەدى. مەن ءوزىمنىڭ بىلگەندەرىمدى ىستەدىم. جامان بولعان جوقپىن. اللاعا شۇكىر!
ەلدىڭ سەنىمىن بەكزات اعام اقتادى. مەن دە ءوز دەڭگەيىمدە اقتادىم. مەن ءبىزدىڭ سپورتشىلاردىڭ ول نارسەنى جاساپ جاتقانىن بايقاعام جوقپىن. سوندىقتاندا ءبىزدىڭ سپورت ءقازىر قۇلدىراپ تومەن كەتىپ قالدى. ال وزبەكتەر قازىرگى تاڭدا وسى ءسالت-داستۇردى ءالى جوعالتپاعان. وسى ءداستۇردى ۇستانۋدا. سوندىقتان دا ولاردىڭ سپورتى شارىقتاپ جاتىر.
ءقازىر كوبىسى ايتۋى مۇمكىن ول سوعان بايلانىستى ەمەس دەپ. ول قازىرگى جۇيەگە بايلانىستى دەپ. مەن قانشا دەگەنمەن ويلايمىن «ءولى ريزا بولماي ءتىرى بايىمايدى» دەمەكشى. جولىڭدى اشىپ تۇرسا، ناسىبەڭدى بەرىپ تۇرسا... سوندىقتان ول نارسەنى ۇمىتپاۋ كەرەك دەپ ويلايمىن. قازىردە ول نارسە بولۋ كەرەك سياقتى.
Assyltas tv-دان ىقشامدالىپ الىندى