ب. ساعىنتايەۆ زالالدى قالپىنا كەلتىرۋ ماسەلەلەرى بويىنشا كاسىپكەرلەرمەن كەزدەستى

ب. ساعىنتايەۆ پوليسيا دەپارتامەنتىنە تەرگەۋ ءىس-شارالارىن جەدەلدەتۋدى تاپسىردى

جۇمىس ساپارى بارىسىندا الماتى اكىمى باقىتجان ساعىنتايەۆ شابۋىل مەن توناۋعا ۇشىراعان شوب نىساندارىن ارالادى، دەپ حابارلايدى Almaty-akshamy.kz.

قالا اكىمى ساتۋ جانە سەرۆيس ورىندارىنىڭ يەلەرىمەن، سونداي-اق Promenade، MOSKVA Metropolitan، Asia Park، «12 اي» ساۋدا ورتالىقتارىنىڭ باسقارۋشى ديرەكتورلارىمەن اڭگىمەلەستى. قالىپتاسقان جاعدايدى تالقىلاۋ بارىسىندا جالعا الۋشىلار اكىمدىك ۇكىمەت كوميسسياسىمەن جانە «اتامەكەن» ۇكپ-مەن بىرلەسىپ شەشەتىن ءبىرقاتار ماسەلەلەر قويدى.

الماتى اكىمى بانديتتەر قۇرىلىس قۇرالدارىن باسىپ العان «12 اي» دۇكەنىن ارالاپ كوردى. ساۋدا ورتالىقتارىن، قارۋ-جاراق دۇكەندەرىن، بانكتەردى توناۋدا جانە ازاماتتارعا شابۋىل جاساۋدا بالتا، بالعا، ارا، تەگىستەۋىش جانە باسقا دا قۇرالدار قولدانىلدى.

سونىمەن قاتار، اكىم Das auto سەرۆيس تقكس-نى ورتەنگەن جەردىڭ يەلەرىمەن كەزدەستى، وندا كليەنتتەردىڭ 9 اۆتوكولىك ورتەنىپ كەتكەن.

جۇمىس ساپارىنىڭ قورىتىندىسى بويىنشا ب. ساعىنتايەۆ پوليسيا دەپارتامەنتىنە تەرگەۋ ءىس-شارالارىن جەدەلدەتۋدى تاپسىردى.

شوب-كە كەلتىرىلگەن زالالدى باعالاۋ جونىندەگى قالالىق كوميسسيا قالانىڭ كاسىپكەرلەر پالاتاسىمەن بىرلەسىپ، زالال كولەمى مەن وتەماقى سوماسىن ەسەپتەۋ تەتىكتەرىنىڭ اشىقتىعىن قامتاماسىز ەتەتىن بولادى.

قالا اكىمى مەملەكەت باسشىسىنىڭ تاپسىرماسىنا سايكەس شاعىن جانە ورتا بيزنەسكە قاجەتتى كومەك كورسەتىلەتىنىنە سەندىردى.