الماتى اكىمى، Nur Otan پارتياسى قالالىق فيليالىنىڭ ءتوراعاسى ونلاين-فورماتتا قوعامدىق قابىلداۋعا جۇگىنگەن الماتىلىقتاردىڭ ساۋالدارىنا جاۋاپ بەردى
قالا تۇرعىندارىنىڭ ساۋالدارى كوممۋنالدىق شارۋاشىلىققا، قوعامدىق كولىككە، اباتتاندىرۋ جانە الەۋمەتتىك قولداۋعا قاتىستى بولدى، دەپ حابارلايدى Almaty-akshamy.kz
ب. ساعىنتايەۆتىڭ تاپسىرماسى بويىنشا «ان-نيسا» قوعامدىق بىرلەستىگىنە قولداۋ كورسەتىلەتىن بولادى. باسشى س. باشيروۆانىڭ ايتۋىنشا، 4-12 جاس ارالىعىنداعى 90-نان استام كورمەيتىن جانە ناشار كورەتىن بالالار كەشەندى دامۋ باعدارلاماسىنان تەگىن وتەدى. جوبانى جالعاستىرۋ ءۇشىن ەرەكشە ءبىلىم بەرۋ قاجەتتىلىگى بار بالالاردى پسيحولوگيالىق-پەداگوگيكالىق قولداۋ بويىنشا مەملەكەتتىك تاپسىرىس كوزدەلەتىن بولادى.
«دوم-اراي» تك-نىڭ ءتورايىمى گ. سارناسكايانىڭ ءوتىنىشى بويىنشا "الاتاۋ" شاعىناۋدانىنداعى كوپ پاتەرلى تۇرعىن ءۇيدى ورتالىق جىلۋعا قوسۋ ماسەلەسىن شەشۋ تاپسىرىلدى.
"قاراسۋ" جانە "سامعاۋ" شاعىناۋداندارى تۇرعىندارىنىڭ جول توسەمىن قالپىنا كەلتىرۋ جانە ەلەكتر قۋاتىن بەرۋدەگى ىركىلىستەردى جويۋ ماسەلەلەرى جونىندەگى ساۋالدارى بويىنشا شەشىم قابىلداۋ ءۇشىن اكىمدىكتىڭ جاۋاپتى قىزمەتكەرلەرى سول جەرلەرگە بارىپ، كوميسسيالىق تەكسەرۋلەر جۇرگىزەتىن بولادى.