كاسىبي مەرەكە قارساڭىندا قالانىڭ ءبىرقاتار دارىگەرلەرى مەن ەپيدەميولوگتارى الماتى قالاسى اكىمىنىڭ العىس حاتتارىمەن ماراپاتتالدى.
مەديسينا قىزمەتكەرلەرىن قۇتتىقتاي وتىرىپ، ب. ساعىنتايەۆ ولاردىڭ كوروناۆيرۋس پاندەمياسىمەن كۇرەسۋگە قوسقان ۇلەسىن اتاپ ءوتتى. دارىگەرلەر مەن سانيتارلىق-ەپيدەميولوگتار قالا تۇرعىندارىنىڭ ءومىرى مەن دەنساۋلىعىن ساقتاۋ ءۇشىن تاۋلىك بويى تىنباي جۇمىس ىستەدى. سونىڭ ارقاسىندا قالا پاندەميانىڭ سوققىلارىمەن كۇرەسىپ، ءقازىر جاعداي تۇراقتالدى.
مەديسينالىق قىزمەت ساپاسىن ارتتىرۋ جانە دياگنوستيكالىق جانە مەديسينالىق كومەك كورسەتۋدى ۋاقىتىندا كورسەتۋ – دارىگەرلەر مەن قالا اكىمدىگىنىڭ ورتاق مىندەتى. سوڭعى ەكى جىلدا مەديسينالىق مەكەمەلەردىڭ ماتەريالدىق-تەحنيكالىق بازاسى ەداۋىر جاقساردى. كوپتەگەن جىلدار ىشىندە العاش رەت اۋرۋحانالاردا مەديسينالىق گازدار جۇيەسى ورناتىلدى، اعىندى سۋلاردى زالالسىزداندىرۋ جانە مەديسينالىق قالدىقتاردى جويۋ جۇيەلەرى ورناتىلۋدا.
بىلىكتىلىكتى ارتتىرۋ جانە كادر تاپشىلىعىن ازايتۋ ماسەلەلەرى شەشىلۋدە. مەديسينالىق وتە قاجەت ماماندىقتار بويىنشا رەزيدەنتۋرادا وقۋعا 120 گرانت ءبولۋ قاراستىرىلعان. وتكەن جىلى 35 جاسقا دەيىنگى 300 مەديسينالىق قىزمەتكەر «الماتى جاستارى» باعدارلاماسى بويىنشا جەڭىلدىكپەن نەسيە الىپ، باسپانا ساتىپ الدى.
الماتى 30 مىڭعا جۋىق مەديسينالىق جانە عىلىمي قىزمەتكەرلەر جۇمىس جاسايتىن عىلىمي-زەرتتەۋ ينستيتۋتتارى مەن ورتالىقتارى، مەديسينالىق ءبىلىم بەرۋ ۇيىمدارى، قالالىق، رەسپۋبليكالىق، ۆەدومستۆولىق، جەكە كلينيكالار شوعىرلانعان مەديسينانى دامىتۋ ورتالىعى بولىپ قالا بەرەدى.
ب. ساعىنتايەۆ الماتىداعى بارلىق عىلىمي جانە مەديسينالىق ۇيىمداردىڭ ۇجىمدارىنا دەنساۋلىق پەن اماندىق تىلەدى، سونىمەن قاتار الماتىلىقتاردىڭ ءومىرى مەن دەنساۋلىقتارىن ساقتاۋ جولىنداعى جانقيارلىق ەڭبەكتەرى ءۇشىن ريزاشىلىعىن ءبىلدىردى.