الماتى اكىمى باقىتجان ساعىنتايەۆ جۇمىس ساپارى كەزىندە اۆتوجول جولايرىقتارى قۇرىلىسىنىڭ قارقىنىمەن جانە ماگيسترالدى كوشەلەردى ۇزارتۋمەن تانىستى
«اۋەجاي اينالىمىندا» ءتورت جانە التى جولاقتى قوزعالىسى بار ءۇش دەڭگەيلى جولايرىعىنىڭ قۇرىلىسى جۇرۋدە، دەپ حابارلايدى Almaty-akshamy.kz
بۇگىندە قۇلجا تراكتىسى بويىنداعى ۇزىندىعى 784 م. بولاتىن ەكى ەستاكادانىڭ ءبىرىنىڭ قۇرىلىسى اياقتالۋدا. قاراشا ايىندا ونىڭ بويىمەن كولىك قوزعالىسىن اشۋ جوسپارلانۋدا.
بۇقتىرما كوشەسى بويىندا 570 مەترلىك تۋننەلدىك وتكەل سالىنۋدا. جەر دەڭگەيىمەن بارلىق وڭ جاقتى سەزدەر، سونداي-اق «الاتاۋ» شاعىناۋدانى باعىتى بويىنشا جولعا شىعۋ قاراستىرىلعان. جولايرىعى كولىك اعىندارىنىڭ قيىلىسۋىن بولدىرماۋعا مۇمكىندىك بەرەدى.
قۇلجا تراكتىسى بويىنداعى جولايرىعىنىڭ كولىك وتكىزۋ قابىلەتى 15%-عا ارتادى. بۇقتىرما كوشەسى بويىندا – 30%. تۇركسىب اۋدانى مەن الماتى وبلىسىنىڭ قالا ماڭىنداعى ەلدى مەكەندەرىنىڭ 350 مىڭعا جۋىق تۇرعىنىنىڭ موبيلدىلىگى ارتادى.
ب. ساعىنتايەۆ سونداي-اق رىسقۇلوۆ داڭعىلى مەن ەمسوۆ كوشەسىنىڭ بويىنداعى كوپىردەن تۇراتىن بارلىق باعىتتاعى جول ايرىعىنىڭ قۇرىلىس قارقىنىن باعالادى. ەستاكادانىڭ ۇزىندىعى – 186 مەتر. جەكەلەگەن ءبۇيىرلى سەزدەر بويىنشا قوزعالىس اشىق. ەستاكادا قۇرىلىسىن كەشىكتىرگەن سوڭعى 2 ۋچاسكە الىنىپ تاستالدى. سونىڭ ارقاسىندا قۇرىلىس قارقىنى ارتتى. نىساننىڭ دايىندىعى – 80%.
كولىك ايرىعى رىسقۇلوۆ داڭعىلىندا كولىك وتكىزۋ قابىلەتىن تاۋلىگىنە 80 مىڭ اۆتوموبيلگە دەيىن، ەمسوۆ كوشەسىندەگى وتكىزۋ قابىلەتىن 40 مىڭعا دەيىن ارتتىرۋعا مۇمكىندىك بەرەدى.
بۇدان وزگە، الماتى اكىمى اباي داڭعىلىن ۇڭگىلەۋدىڭ بارىسىمەن تانىستى. مومىش ۇلى كوشەسىنەن ناۋرىزباي اۋدانىنىڭ اكىمشىلىك ورتالىعىنا دەيىن ۇزىندىعى 3،5 كم ۋچاسكە قۇرىلىسى ءجۇرىپ جاتىر. ءار باعىتتا قوزعالىس ءۇشىن 3 جولاق، ءاشىموۆ كوشەسىنىڭ ۇستىنەن 400 مەترلىك ەستاكادا، تروتۋارلار مەن ۆەلوسيپەد جولدارىن سالۋ قاراستىرىلعان.
نىساننىڭ دايىندىعى شامامەن 85%-دى قۇرايدى. مەتروپوليتەن جەلىسىنىڭ ۇستىندەگى 600 مەترلىك ۋچاسكە اياقتالعاننان كەيىن جىل سوڭىنا قاراي جاڭارعان داڭعىل بويىنشا كولىك قوزعالىسىن اشۋ جوسپارلانۋدا.
ناۋرىزباي اۋدانى "تاۋسامالى" شاعىناۋدانىنداعى قونايەۆ كوشەسىن رەكونسترۋكسيالاۋ اياقتالۋدا. ۇزىندىعى 1،2 شاقىرىمدىق جولدى 2-دەن 4 جولاققا دەيىن كەڭەيتەدى، مۇندا تروتۋارلار، ۆەلوجولدار مەن ارىق جەلىسى بولادى. دايىندىق – 90%. اسفالتتىڭ جوعارعى قاباتىن توسەۋ جۇمىستارى جۇرۋدە. ب.ساعىنتايەۆ جۇمىستى اعىمداعى ايدىڭ سوڭىنا دەيىن اياقتاۋدى تاپسىردى. قاراشا ايىندا اباتتاندىرۋ ءۇشىن اعاش كوشەتتەرى وتىرعىزىلادى.
