«جولدا قابىلداۋ» الدىن الۋ ءىس-شاراسى كوپتەگەن قالالىقتارعا تانىس.
الماتىدا پوليسيا قىزمەتكەرلەرى «جولدا قابىلداۋ» ناۋقانى اياسىندا ازاماتتاردى قابىلداۋدى جالعاستىرۋدا، دەپ حابارلايدى Almaty-akshamy.kz Polisia.kz-كە سىلتەمە جاساپ.
بۇل وتە وزەكتى، ويتكەنى ازاماتتارعا جول قوزعالىسى قاۋىپسىزدىگىن قامتاماسىز ەتۋ سالاسىندا ولارعا ىڭعايلى ۋاقىتتا جانە جەردە كەڭەستىك جانە قۇقىقتىق كومەك الۋعا مۇمكىندىك بەرەدى.
«حالىقپەن قارىم-قاتىناس جول قاۋىپسىزدىگى بويىنشا ازاماتتاردى تولعاندىراتىن پروبلەمالىق ماسەلەلەردى تالقىلاۋ تۇرىندە جۇرگىزىلەدى. پوليسيا قىزمەتكەرلەرى الماتىنىڭ ءىرى مەگاپوليسىنىڭ جول قاۋىپسىزدىگى ماسەلەلەرىنىڭ وزەكتىلىگىن ناقتى تۇسىنەدى. ازاماتتاردى قابىلداۋ ءۇشىن ارنايى دايىندالعان پد مەن اۋداندىق بولىمشەلەردىڭ فرونت-وفيستەرى تاعايىندالدى. سونىمەن قاتار، وسى مينۋتتاردا "جەدەل جەلى" تەلەفونى جۇمىس ىستەيدى. ناۋقان بارىسىندا ازاماتتار قوڭىراۋ شالىپ، وزدەرىن قىزىقتىراتىن كەز-كەلگەن سۇراقتاردى قويا الادى نەمەسە پوليسيا قىزمەتىنە قاتىستى 8-747-733-10-20 تەلەفونى ارقىلى WhatsApp-حابار جىبەرە الادى»، – دەپ حابارلادى الماتى قالاسى اكىمشىلىك پوليسيا باسقارماسىنىڭ باستىعى نۇرلان امانبەك.