Nur Otan اقف ءتوراعاسى، الماتى قالاسىنىڭ اكىمى باقىتجان ساعىنتايەۆ پارتيانىڭ قوعامدىق قابىلداۋىنا جۇگىنگەن قالا تۇرعىندارىن قابىلدادى.
الاتاۋ اۋدانى، شاڭىراق-2 شاعىناۋدانىنىڭ تۇرعىنى ا. جۇمىقايەۆتىڭ ءوتىنىشى بويىنشا الماتى قالاسىنىڭ اكىمى بۇعان دەيىن تارتىلعان سۋدان ءبولۋ جەلىلەرىن قوسۋ ءۇشىن اعىندى-سورعى ستانسياسىنىڭ قۇرىلىسىنىڭ جۇمىسىن باقىلاۋعا الۋدى تاپسىردى. سيفرلاندىرۋ باسقارماسىنا شەتكى ايماق تۇرعىندارى ينتەرنەت جەلىسىنە ارنالعان تالشىقتى-وپتيكالىق بايلانىس جەلىسىن قۇرۋ جوباسىن ىسكە اسىرۋدى جەدەلدەتۋدى تاپسىردى. اۋدان اكىمىنە «سەرگەك» ابك-نىڭ باقىلاۋ كامەرالارىن ورناتۋعا ۇسىنىس ەنگىزۋدى تاپسىردى.
مەدەۋ اۋدانىنداعى كوكتەم كوشەسى تۇرعىندارىنىڭ وتىنىشىنە جاۋاپ بەرە وتىرىپ، ب. ساعىنتايەۆ يەسىز ەلەكتر جەلىلەرىن اەس-5 بالانسىنا بەرۋ پروسەسىن جەدەلدەتۋدى تاپسىردى.
سونىمەن قاتار، «اباي، 130» تك تۇرعىندارى الماتى اكىمىنەن اۋلالارىنداعى 12 قاباتتى ءۇيدىڭ قۇرىلىسىن توقتاتۋدى سۇرادى. ب. ساعىنتايەۆ بۇعان دەيىنگى جۇمىس ساپارى كەزىندە وسى جاعدايمەن تانىسقانىن، قالا تۇرعىندارىن قولدايتىنىن ايتتى. الماتى اكىمى تۇرعىن ءۇي سالۋعا تىيىم سالۋدى تاپسىردى. جوبا سەرۋەندەۋ ايماعىن ۇيىمداستىرۋ بويىنشا قايتا قارالادى.
«نۇر-الاتاۋ» شاعىن اۋدانى تۇرعىندارىنىڭ ءوتىنىشى بويىنشا قالالىق موبيلدىلىك باسقارماسىنا قالالىق پد-مەن بىرلەسىپ، جول قوزعالىسىن قايتا قۇرۋ ماسەلەسىن زەردەلەۋ جانە جاياۋ جۇرگىنشىلەردىڭ قاۋىپسىزدىگىن قامتاماسىز ەتۋ بويىنشا شارالار قابىلداۋ تاپسىرىلدى.
بارلىق ماسەلەلەر بويىنشا جەرگىلىكتى مەملەكەتتىك ورگاندارعا ءتيىستى تاپسىرمالار بەرىلدى جانە قولدانىستاعى زاڭناما اياسىندا ءتۇسىندىرۋ جۇمىستارى جۇرگىزىلەدى.