مەملەكەت قايراتكەرى امانگەلدى شابداربايەۆ استانا كۇنى قارساڭىندا بارشا قازاقستاندىقتاردى مەرەكەمەن قۇتتىقتاپ، نۇر-سۇلتان قالاسىنىڭ قالاي بوي كوتەرگەنىن ايتىپ بەردى.
ا. شابداربايەۆ استانانىڭ كوشىرىلەتىنىن جاريالاعان كەزدە نۇرسۇلتان نازاربايەۆتان باسقا بۇل شەشىمنىڭ وڭتايلى بولاتىنىنا ەشكىم سەنبەگەنىن ايتتى.
"مەن پرەزيدەنت نۇرسۇلتان نازاربايەۆتىڭ قاسىندا بولدىم. بۇل شەشىمنىڭ ءساتتى بولاتىنىنا سەنبەدىم. باستاپقى كەزدە بۇل جەردە جەل سوعىپ، ماسا كوپ ەدى. 30 جىلدىڭ ىشىندە بۇل قالا تانىماستاي وزگەردى. ەلباسىنىڭ تاعى ءبىر شەشىمى – ءوز ۆاليۋتامىزدى جاساۋ. تاۋەلسىزدىك العاننان كەيىن بارلىق تمد ەلدەرى رۋبل ايماعىندا بولدى. ءبىز ودان شىققىمىز كەلمەدى. ويتكەنى بۇل بىزگە قولايلى ءارى تۇراقتى بولدى. ق ر تۇڭعىش پرەزيدەنت نۇرسۇلتان نازاربايەۆ سول كەزدەگى جاڭا ۆاليۋتا – تەڭگەنى اينالىمعا ەنگىزدى. سول جىلدارى ءبىز كوپتەگەن تاريحي ساتتەرگە كۋا بولدىق. ءبىز 90-شى جىلداردان باستاپ ۇلكەن جولدى ءجۇرىپ وتتىك. ەندى سول جەتىستىكتەرىمىزدى ماقتان ەتە الامىز. بارشاڭىزدى استانا كۇنىمەن قۇتتىقتايمىن!"