ازىق-تۇلىككە قازاقستاندىقتار قانشا قاراجات جۇمسادى؟

ساۋدا كاسىپورىندارىنىڭ تىكەلەي تاۋار وتكىزۋى 935،8 ملرد تەڭگەنى قۇراعان.

ءبىر جىل بۇرىنعى دەرەكپەن سالىستىرساق، وندا بيىلعى كورسەتكىش 7،6%-عا كوپ بولىپ شىعادى. بيىلعى جىلدىڭ العاشقى ايىندا قازاقستاندىقتار ساۋدا ورىندارىندا 1،17 تريلليون تەڭگە جۇمساعان. بۇل وتكەن جىلدىڭ قاڭتار ايىمەن سالىستىرعاندا 3،7 پايىزعا كوپ. بۇل دەرەك اشىق تۇردە ياعني تۇبىرتەگىمەن جاسالعان ساۋدادان الىنعان. بۇل تۋرالى HODL تەلەگرام كانالى جازدى، دەپ حابارلايدى اlmaty-akshamy.kz. 

بولشەك ساۋدانىڭ جالپى كولەمىندەگى ازىق-تۇلىك تاۋارلارىنىڭ ۇلەسى – 26،8%، ازىق-تۇلىك ەمەس تاۋارلار – 73،2%. ساتۋدىڭ ەڭ ۇلكەن ءوسىمى جانار-جاعارماي ماتەريالدارىن، اۆتوموبيلدەردى، كوسمەتيكا مەن گيگيەنالىق تاۋارلاردى، فارماسيەۆتيكالىق ونىمدەردى، كيىمدەردى، ساعاتتار مەن زەرگەرلىك بۇيىمداردى، اۆتوموبيل بولشەكتەرىن جانە بىلعارى بۇيىمدارىن ساتۋشىلار اراسىندا بايقالعان.

ال وڭىرلەر بويىنشا ەسەپتەيتىن بولساق، ەڭ كوپ اقشانى الماتىلىقتار – 31،5%، استانالىقتار – 12،4% جۇمساعان. ۇشتىككە قاراعاندىلىقتار (8،3%) ەنسە، شىعىس قازاقستان وبلىسىنىڭ تۇرعىندارى (6،1%) ءتورتىنشى ورىنعا جايعاسقان.

وسى جىلدىڭ 1 اقپانىنداعى جاعداي بويىنشا بولشەك ساۋدا كاسىپورىندارىنىڭ تاۋارلىق-ماتەريالدىق قورلارىنىڭ كولەمى اقشامەن 1،59 تريلليون تەڭگەنى، ال ساۋدا كۇندەرى – 78 كۇندى قۇرايدى.