جوسپاردى ۇكىمەت ماقۇلدادى.
ق ر ۇلتتىق قورىنان 2022-2024 جىلدارعا كەپىلدەندىرىلگەن ترانسفەرت اياسىندا ازىق-تۇلىك قاۋىپسىزدىگىن قامتاماسىز ەتۋگە 200 ملرد تەڭگەدەن استام قارجى بولىنەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بۇل جونىندە ق ر قارجى ءمينيسترىنىڭ ورىنباسارى تاتيانا ساۆەليەۆا ماجىلىستەگى جاڭا زاڭ جوباسىنىڭ تانىستىرىلىمىندا ايتتى.
«تاعى ءبىر باعىت – ازىق-تۇلىك قاۋىپسىزدىگىن قامتاماسىز ەتۋ جوسپارى اياسىنداعى ءىس-شارالار. جوسپاردى ۇكىمەت ماقۇلدادى، ول ساپالى، ءقاۋىپسىز تاۋارلاردىڭ ناقتى ەكونوميكالىق قولجەتىمدىلىگىن قامتاماسىز ەتۋگە باعىتتالعان. ونى جۇزەگە اسىرۋعا ءۇش باعىتقا 238 ملرد تەڭگە بولىنەدى. اگروونەركاسىپ كەشەنىن سۋبسيديالاۋعا، ونىڭ ىشىندە الەۋمەتتىك نان مەن جۇمىرتقانى سۋبسيديالاۋعا 139 ملرد تەڭگە قاراستىرىلعان. كوكتەمگى ەگىس جانە ەگىن جيناۋ جۇمىستارىنا جەڭىلدەتىلگەن نەسيە بەرۋ كولەمىن 70-تەن 140 ملرد تەڭگەگە دەيىن ارتتىرۋ كوزدەلىپ وتىر»، - دەدى ۆيسە-مينيستر.
سونداي-اق، ول ەلدە جەمشوپ قورىن قالىپتاستىرۋ ءۇشىن 20 ملرد تەڭگە بولىنەتىنىن ايتتى.
«بىلتىرعى تاجىريبە كورسەتكەندەي، جەمشوپ قورىن قالىپتاستىرۋ ماڭىزدى. ازىق-تۇلىك كەلىسىم شارت كورپوراسياسى وسى ماقساتپەن 200 مىڭ توننا كولەمىندە استىق ساتىپ الۋدى جوسپارلاپ وتىر. بۇل قور كەيىن قۇس، مال شارۋاشىلىعى كاسىپورىندارىن قۇرعاقشىلىق سياقتى شەتىن جاعدايلاردان، ىشكى نارىقتاعى ازىق-تۇلىك باعاسىنىڭ كۇرت تاپشىلىعىنان ساقتايدى»، - دەدى تاتيانا ساۆەليەۆا.
ايتا كەتەيىك، بۇعان دەيىن ق ر ۇلتتىق ەكونوميكا ءمينيسترى الىبەك قۋانتىروۆ جۋرناليستەرگە ۇلتتىق قوردان كەپىلدەندىرىلگەن ترانسفەرتتى ناقتىلاۋ نە ءۇشىن قاجەت بولعانىن تۇسىندىرگەن بولاتىن.