بۇل تۋرالى ق ر سىبايلاس جەمقورلىققا قارسى ءىس-قيمىل اگەنتتىگىنىڭ رەسمي Telegram-ارناسى مالىمدەدى، دەپ حابارلايدى Almaty-akshamy.kz.
«استىق ۇرلاۋ فاكتىلەرىن جاسىرۋ ءۇشىن پارا بەرۋ ارەكەتى كەزىندە استىق بازالارىنىڭ بۇرىنعى ديرەكتورى مەن ونىڭ كومەكشىلەرى اشكەرەلەندى. سونىمەن قاتار، جاسالعان قىلمىستى جاسىرۋ ءۇشىن استىق بازالارىنىڭ بۇرىنعى ديرەكتورى مەن ونىڭ سەرىكتەستەرى پارا بەرگەنى انىقتالدى. ءقازىر كۇدىكتىلەر سوتتىڭ سانكسياسىمەن قاماۋعا الىندى. سوتقا دەيىنگى تەرگەۋ جۇرگىزىلىپ جاتىر» — دەلىنگەن حابارلامادا.
سونىمەن قاتار، inbusiness.kz. مالىمەتى بويىنشا استانا قالاسىندا قارجى دەپارتامەنتىنىڭ ديرەكتورى مەن «ازىق-تۇلىك كورپوراسياسى» اق باس مەنەدجەرىنە قاتىستى تەرگەۋ اياقتالدى. تەرگەۋ بارىسىندا ولار بيداي تۇرىندە تاۋارلىق نەسيە بەرگەنى ءۇشىن كوممەرسيالىق ۇيىم باسشىسىنان 800 مىڭ تەڭگە سوماسىندا پارا العانى انىقتالدى. ايىپتالۋشىلار سوتقا تارتىلدى.
ارنايى جەدەل-ىزدەستىرۋ ءىس-شارالارى كەشەنىنىڭ ناتيجەلەرى بويىنشا «ازىق-تۇلىك كورپوراسياسى» اق قوستاناي وبلىستىق وكىلدىگىنىڭ ديرەكتورى اشكەرەلەندى. ول ج ش س وكىلىنەن 100 مىڭ توننا بيداي كولەمىندە تاۋارلىق نەسيە الۋ ماسەلەسىن كەدەرگىسىز شەشكەنى ءۇشىن 350 مىڭ تەڭگە سوماسىندا پارا الدى دەپ كۇدىكتەلەدى. سوتقا دەيىنگى تەرگەۋ جۇرگىزىلىپ جاتىر.