ازىق-تۇلىكتى ارزانداتۋ ءۇشىن 1300-دەن استام تاۋارعا سالىناتىن كەدەندىك باج الىنىپ تاستالدى.
رەسەي مەن بەلارۋسكە قاتىستى قابىلدانىپ جاتقان شەكتەۋ شارالارىن ەسكەرە وتىرىپ، ەۋرازيالىق ارىپتەستەرمەن بىرلەسە داعدارىسقا قارسى شارالار تىزبەسى بەكىتىلدى. بۇل تۋرالى ساۋدا جانە ينتەگراسيا ءمينيسترى سەرىك جۇمانعارين ۆەدومستۆونىڭ كەڭەيتىلگەن القا وتىرىسىندا ءمالىم ەتتى، دەپ حابارلايدى اlmaty-akshamy.kz «قازاقپاراتقا» سىلتەمە جاساپ.
«رەسەي مەن بەلارۋسكە قاتىستى قابىلدانىپ جاتقان شەكتەۋ شارالارىن ەسكەرە وتىرىپ، ەۋرازيالىق ارىپتەستەرمەن بىرلەسە داعدارىسقا قارسى شارالار تىزبەسى بەكىتىلدى. نارىقتى قاجەتتى ازىق-تۇلىكپەن قامتۋ جانە باعانىڭ ءوسۋىن تەجەۋ ماقساتىندا يمپورتتىڭ 1300-دەن استام تاۋارىنا كەدەندىك باجدار الىنىپ تاستالدى. سونىمەن بىرگە، يرانمەن ەركىن ساۋدا ايماعى تۋرالى كەلىسىم 2025 جىلعا دەيىن ۇزارتىلدى. ول قازاقستاندىق ەكسپورتتى 9،3%-عا، ياعني 282،7 ملن دوللارعا دەيىن وسىرۋگە مۇمكىندىك بەرەدى»، - دەپ توقتالدى سەرىك جۇمانعارين.
ونىڭ ايتۋىنشا، ەركىن ساۋدا ايماعى تۋرالى كەلىسىمدى يندونەزيا جانە بىرىككەن اراب امىرلىگىمەن جاساۋ جوسپارلانىپ وتىر. وعان سايكەس، بولجامدى ەكسپورتتىق ءوسىم 1 ملرد دوللاردان اسادى. بۇدان وزگە ۆيسە-پرەمەر الداعى ۋاقىتتا سەرىكتەس ەلدەرمەن كولىكتىك-لوگيستيكالىق مارشرۋتتاردى دامىتۋ بويىنشا جۇمىستار اتقارىلاتىنىن اتاپ ءوتتى.