2024 جىلدىڭ سوڭىنا دەيىن قازاقستان ازاماتتارى وڭتۇستىك كورەيادا زاڭدى تۇردە جۇمىس ىستەۋ مۇمكىندىگىنە يە بولادى. بۇل تۋرالى ەڭبەك جانە الەۋمەتتىك قورعاۋ ءمينيسترى سۆەتلانا جاقىپوۆا ءماجىلىس كۋلۋارىندا مالىمدەدى. قازىرگى ۋاقىتتا كەلىسىم وڭتۇستىك كورەيادا تالقىلانىپ، كەلىسۋ ءجۇرىپ جاتىر، دەپ حابارلايدى aqshamnews.kz.
ەسكە سالا كەتەيىك، 2024 جىلدىڭ قازان ايىندا قازاقستان رەسپۋبليكاسىنىڭ ەڭبەك جانە الەۋمەتتىك قورعاۋ ۆيسە-مينيسترى اسقاربەك ەرتايەۆ وڭتۇستىك كورەيانىڭ جۇمىسپەن قامتۋ جانە ەڭبەك مينيسترلىگىنىڭ وكىلدەرىمەن كەزدەستى. كەزدەسۋدە قازاقستاننىڭ وڭتۇستىك كورەياداعى ەڭبەك رۇقساتنامالارى جۇيەسىنە — Employment Permit System (EPS) — قوسىلۋ ماسەلەسى تالقىلاندى.
«وڭتۇستىك كورەيانىڭ ەڭبەك مينيسترلىگى باسشىلىقتى وزگەرتتى، سوندىقتان پروسەسس ءسال كەشىكتىرىلدى. قۇجات ازىرلەنىپ، وڭتۇستىك كورەياعا تالقىلاۋعا جانە بەكىتۋگە جىبەرىلدى»، - دەپ ءتۇسىندىردى جاقىپوۆا.
ءراسىم رەسمي تۇردە بەكىتىلگەننەن كەيىن قازاقستاندىقتار وڭتۇستىك كورەيادا EPS باعدارلاماسى اياسىندا زاڭدى تۇردە جۇمىس ىستەي الاتىن بولادى.