پرەزيدەنت وسىلاي دەدى.
قاسىم-جومارت توقايەۆ ءازىربايجان مەن ارمەنيا اراسىنداعى الماتىدا وتەتىن كەلىسسوزدەر پروسەسىنە قاتىستى مالىمدەمە جاسادى ، دەپ حابارلايدى Almaty-akshamy.kz
قازاقستان تاراپىنىڭ ۇسىنىسى بويىنشا ءازىربايجان رەسپۋبليكاسى مەن ارمەنيا رەسپۋبليكاسى اراسىنداعى بەيبىت كەلىسىمگە دايىندىق جۇرگىزۋ ماقساتىندا ەكى ەلدىڭ سىرتقى ىستەر مينيسترلەرىنىڭ كەلىسسوزىن وتكىزۋ تۋرالى ءوزارا كەلىسىمگە كەلگەنىن قۇپتايمىن.
بۇل ماڭىزدى شارانىڭ الماتىدا ۇيىمداستىرىلۋىنىڭ سيمۆولدىق ءمانى بار. ويتكەنى 1991 جىلى جەلتوقسان ايىندا تمد ەلدەرىنىڭ تاۋەلسىز دامۋىنا نەگىز قالاعان جانە مەملەكەتارالىق شەكارانى انىقتاۋ قاعيدالارىن بەكىتكەن تاريحي قۇجاتقا – الماتى دەكلاراسياسىنا قول قويىلعان ەدى.
الداعى كەزدەسۋ ازەربايجان-ارميان ۋاعدالاستىعىنىڭ ناقتى جۇزەگە اسۋىنا جول اشىپ، جۋىق ارادا وڭتۇستىك كاۆكازدا تۇراقتى ءارى ۇزاقمەرزىمدى بەيبىتشىلىكتىڭ ورناۋىنا ىقپال ەتەدى.